4

ពីបុគ្គលិកប្រាក់ខែ ១២០ដុល្លារ តែលោក សោះ អាសារី អភិវឌ្ឍន៍ខ្លួន​ឯងក្លាយជាបុគ្គល​ជោគជ័យ​ម្នាក់ទទួលបានប្រាក់ចំណូលរាប់ម៉ឺនដុល្លារក្នុង១ខែៗ

 

 

ពី​បុគ្គលិក​ផ្នែក​​លក់​ទទួល​បាន​ប្រាក់​ខែ​ត្រឹម​តែ​១២០ដុល្លារ​ក្នុង​មួយ​ខែ​តែ​លោក​ សោះ​ អាសារី បាន​​អភិវឌ្ឍន៍​ខ្លួន​ឯង​ក្លាយ​ជា​​បុគ្គល​ជោគ​ជ័យ​ម្នាក់​​ទាំង​វ័យ​ក្មេង​​ដោយ​អាច​រក​ចំណូល​បាន​រាប់​ម៉ឺន​ដុល្លារ​ក្នុង​​១ខែៗ។

 

លោក សោះ អាសារី បានឲ្យ​ដឹង​ថា មុនលោកមានឈ្មោះជានាយកប្រតិបត្តិ​របស់​ក្រុម​ហ៊ុន​វិនិយោគអចល​នទ្រព្យ ប៉ាត់តាវី ទទួល​បាន​ប្រាក់​ចំណូល​រាប់​ម៉ឺន​ដុល្លារ​ៗ​ក្នុង​ខែៗ​ដូច​សព្វថ្ងៃ​នេះ​ដំបូង​ឡើយ​លោក ធ្វើ​ការ​ជា​បុគ្គលិក​ផ្នែកលក់​ ឲ្យ​ក្រុម​ហ៊ុន​ឯក​ជន​មួយ​ដោយ​ទទួល​បាន​ប្រាក់​ខែ​តែ​១២០ដុល្លារ​ប៉ុណ្ណោះ​ក្នុង​មួយខែៗ។

 

បន្ទាប់​ពី​បម្រើ​ការងារ​​ផ្នែក​លក់​បាន​​មួយ​រយៈ​​​លោក សោះ អាសារី ក៏​បាន​ចូល​រោងការ​បញ្ចប់​ភាព​នៅ​លីវ​​ជាមួយ​នារី​ម្នាក់​នៅ​ខេត្ត​បាត់ដំបង។ ក្រោយ​រៀបការ​ហើយ​លោក​ក៏​ឈប់​ ធ្វើ​ការ​ឲ្យ​គេ​ពេល​នោះ​លោក បាន​ដឹក​ដៃ​ភរិយា​ទៅ​បើក​ហាង​លក់​ទូរស័ព្ទ​ដៃ​នៅខេត្តប៉ៃលិន ព្រម​ទាំង​ដាំដំឡូង​ប្រកបរបរ​កសិកម្ម​លើ​ដី​២ហិចតារ​​នៅ​ទីនោះ​ផងដែរ។

 

ទៅរស់នៅ​និង​ប្រកបមុខរបរ​រកស៊ី​នៅ​ខេត្ត ប៉ៃលិន បាន​មួយ​រយៈ​ប៉ុណ្ណោះ​លោក និង​ភិរិយា​ក៏​បាន​ផ្លាស់មក​ភ្នំពេញ​វិញ​។ ត្រឡប់មក​ភ្នំពេញ​វិញ​ពេល​នោះ​លោក បាន​ធ្វើការ​​ជា​ចុង​ភៅ​ និង​បង្រៀន​ភាសាអង់គ្លេស​ដល់​ជនជាតិ​តួគី។ បន្ទាប់​ពី​បង្រៀន​ភាសាអង់គ្លេស​ និង​ធ្វើ​ជា​ចុង​ភៅ​បាន​មួយ​រយៈ​មក​លោក​ក៏​វិល​ទៅ​ធ្វើ​ការ​ជា​ផ្នែក​លក់​វិញ​ឲ្យ​ក្រុម​ហ៊ុន​ឯកជន​មួយ​ទៀត។

 

ចំពោះ​ជីវិត​ដែល​ឆ្លង​កាត់​ធ្វើការងារ​ឲ្យ​គេ​ច្រើន​កន្លែង​​នេះដែរ​លោក សោះ​ អាសារី មិន​បាន​គិត​រឿង​លុយ​ជា​ធំ​នោះ​ទេ អ្វី​ដែល​លោក​ចង់​បាន​នោះ​គឺ​ជាបទ​ពិសោធន៍​ទៅវិញ​​ទាក់ទង​រឿង​ផ្នែក​ទីផ្សារ និង​តម្រូវការ​អតិថិជន​បើនិយាយ​ពី​រឿង​ប្រាក់ខែវិញ​អំឡុង​ពេល​នោះ​លោក​ទទួល​បាន​​ចន្លោះ​ពី ១២០ ទៅ​២០០ដុល្លារ​​ប៉ុណ្ណោះ​ក្នុង​មួយខែ។

 

ក្រោយ​ហែល​ឆ្លង​​បទ​ពិសោធន៍​ការងារ​​អស់​រយៈ​ពេល​ជា​ច្រើន​ឆ្នាំ​​​​រួចមក​លោក សោះ អាសារី ក៏​បាន​ចម្រេច​ចិត្ត​ឈប់​ដោយ​ពេល​នោះ​លោក​បាន​ចាប់​ផ្ដើម​រកស៊ី​ជាមួយ​ក្រុម​ហ៊ុន Network Marketing ពាក់​ព័ន្ធ​ទៅ​នឹង​រឿង​សុខភាព ដោយ​ទទួល​បាន​ប្រាក់​ចំណូល​ពី​ក្រុម​ហ៊ុនសុខភាព ហើយ​លោក​ ក៏បាន​រៀន​សូត្រ​ពី​ជំនាញ​ដែល​ពាក់ព័ន្ធ​នឹង​សុខ​ភាព​យ៉ាង​ច្រើន​​ដោយ​មាន​ការ​ង្កើត​ជា​ក្រុម​ផងដែរ​ដោយ​ទទួល​បាន​ជោគជ័យ​គួរ​ឲ្យ​កត់​សម្គាល់ មាន​ឱកាស​ចេញ​ទៅ​ប្រទេស​វៀតណាម ម៉ាឡេស៊ី​ ថៃ​ ស៊ីងហ្គាពួរ ជាបន្តបន្ទាប់។ ក្នុង​នោះ​លោក​មាន​គម្រោង​ចេញ​ទៅ​ប្រទេស​នៅ​បណ្ដា​ប៉ែកអ៊ឺរ៉ុប​ទៀតផង។

 

តែ​ជា​អកុសល​លោក មិន​ទាន់​បាន​ទៅ​ផង​ស្រាប់​តែ​ពេល​នោះ​ជំងឺ​កូវីដ​ក៏​បាន​ផ្ទុះឡើង​ មិន​អាច​ទៅ​ណា​បាន​ពេល​នោះ​លោក​ក៏​បាន​សម្រេច​ចិត្ត​ចាប់​យក​អាជីព​ជាមួយ​ក្រុម​ហ៊ុន​វិនិយោគអចល​នទ្រព្យ ប៉ាត់តាវី ដោយ​លោក មាន​តួនាទី​ជា​នាយក​ប្រតិបត្តិ​ ជាមួយ​ប្រាក់​ចំណូល​រាប់​ម៉ឺន​ដុល្លារ​ក្នុង​១ខែៗ ដោយ​លោក​កាន់​គម្រោង​ទីផ្សារ​ និង​ប្រពន្ធ​ផ្សព្វផ្សាយ​ជាដើម។

 

គួរ​រម្លឹក​ថា​ក្រុម​ហ៊ុន ប៉ាត់តាវី បើក​ដំណើរ​ការសាងសង់ ​បុរី​ភីធីវី ដែល​ជា​គំរោង​ទី១​មុន​គេ​នៅ​ផ្សារបំណក់ ខេត្ត​ពោធិ៍សាត់​ ​ជាមួយ​តម្លៃ​ពិសេស​ផងដែរ។ ខាង​ក្រុម​ហ៊ុន​ផ្ដល់​ប្រូម៉ូសិន​ពិសេស​ដល់​អតិថិជន​ដូចជា បង់​រំលោះ​គ្មាន​កាប្រាក់ បង់រំលោះ​ចាប់​ពី​១ឆ្នាំ​ដល់​១១ឆ្នាំ បង់ត្រឹមតែ​២៤,០០០ រៀល​ក្នុង​មួយ​ថ្ងៃ​តែប៉ុណ្ណោះ។ អតិថិជន​អាច​ចំណេញ​ ១៣,០០០ដុល្លារ៕