លែងខ្មាសអៀនតទៅទៀត ខួបកំណើតឆ្នាំនេះ ស៊ីស៊ី ប្រាប់ថាបំណងប្រាថ្នាតែ១គត់គឺចង់បាន​ប្ដី

695

កាល​ពី​ពេល​ថ្មីៗ​នេះ​តារាសម្ដែង​​ និង​បង្ហាញ​ម៉ូដ​ដែល​មាន​សម្រស់​ដើម​ទ្រូង​ទ្រលុក​ទ្រលន់​​កញ្ញា ស៊ីស៊ី ហៅ អេណា បាន​រៀបចំ​ខួប​កំណើត​យ៉ាង​សប្បាយ​រីករាយ​របស់​ខ្លួន​ជា​ថ្មី​ម្ដង​ទៀត​នៅ​ក្នុង​ក្លិប​កម្សាន្ត​ពេល​រាត្រី​ ក្រោម​វត្ត​មាន​ភ្ញៀវកិត្តិយស​ទាំង​ក្នុង និង​ក្រៅ​សិល្បៈ​អញ្ជើញ​ចូល​រួម​ផងដែរ។

និយាយ​រៀបរាប់​ក្នុង​ពិធី​ខាង​លើ​​នេះ​ដែរ​ស្រីស្អាត ស៊ីស៊ី បាន​ឲ្យ​ដឹង​ថា ខួប​កំណើត​ឆ្នាំ​នេះ​​កញ្ញា ​គ្មាន​ប្រាថ្នាអ្វី​ក្រៅ​ពី​ចង់​បាន​កំលោះ​សង្ហា​ម្នាក់​​មក​ធ្វើ​ជាគូអនាគត​​មក​ចូល​រោងការ​ក្រាប​ផ្ទឹម​តាម​ប្រពៃណី​ខ្មែរ​នោះទេ។ ព្រោះ​ពេល​នេះ​ខ្លួន​មាន​អារម្មណ៍​ថាឯកោ​ខ្លាំង​ណាស់​ ហេតុ​ដូច្នេះ​ហើយ​ទើប​ចង់​មាន​គ្រួសារ​ដូចគេ​ដូចឯង​។

ចំពោះ​បុរស​​ក្នុង​ក្ដី​សុបិន​ដែល​ ស៊ីស៊ី ចង់​រៀបការ​ជាមួយ​នោះ​មិន​ផ្ដោត​សំខាន់​លើ​រូប​​រាង ឬ​អ្នក​សិល្បៈ​ឡើយ​អ្វី​ដែល​សំខាន់​ឲ្យ​តែ​ស្រឡាញ់​​គោរព​លោក​​ឪពុក​​អ្នក​ម្ដាយ​បងប្អូន​សាច់​ញាតិ ​ឲ្យ​កិត្តិយសស្រឡាញ់ និង​យល់​ចិត្ត​​នាង​ គឺគ្រប់​គ្រាន់​ហើយ​មិន​ចង់​បាន​អ្វី​លើស​ពី​ហ្នឹងនោះទេ។

ជាមួយ​អារម្មណ៍សប្បាយ​​រីករាយ​ ស៊ីស៊ី បន្ថែម​ថា៖” ឥឡូវ​អត់​មាន​អ្នក​ស្រឡាញ់ទេ អ៊ីចឹង​ហើយ​ទើប​ខ្ញុំ​ចង់​បានប្ដី ព្រោះ​ឥឡូវ​មាន​អារម្មណ៍​ថា​ឯកោ​ខ្លាំង​ណាស់បង​អើយ​ ពេល​យើង​ពិបាក​ចិត្ត​ឬ មានរឿង​អ្វី​កើត​ឡើង​អត់​មានអ្នកនៅ​ក្បែរ​ជួយ​ពិភាក្សា​ឬ​លើក​ទឹក​ចិត្ត​ទេ។ ខ្ញុំ​សង្ឃឹម​ថា​ខ្ញុំ​នឹង​ជួប​បុរស​ក្នុង​ក្ដី​សុបិន​ខ្ញុំ​ឆាប់​ៗ​នេះ​ទៅចុះ”។