ការវាយប្រហាដោយយន្តហោះដ្រូនអ៊ីស្រាអែល  បានសម្លាប់ជនស៊ីវិលនៅតំបន់ Golan Heightsរបស់ស៊ីរី

9

ប្រព័ន្ធផ្សព្វផ្សាយរដ្ឋស៊ីរីបានរាយការណ៍ថា យន្ដហោះគ្មានមនុស្សបើករបស់អ៊ីស្រា​អែលដែលមិនត្រូវបានគេស្គាល់អត្តសញ្ញាណបានបើកការវាយប្រហានៅ Quneitra Governorate ក្នុងតំបន់ Golan Heights របស់ស៊ីរីដោយបានសម្លាប់ជន​ស៊ីវិលម្នាក់នៅក្នុង​ប្រតិបត្តិការនេះ។

ការវាយប្រហារតាមអាកាសនេះបានបំផ្ទុះឡានមួយគ្រឿងប៉ើងនៅទិសខាងត្បូងនៃ​ទីក្រុង ក្នុង​​ភូមិ​ Hader និងបានសម្លាប់ម្ចាស់រថយន្តដែលមានឈ្មោះថា Imad Tawi។ រហូតមកដល់ពេល​នេះមិន​ទាន់ដឹងច្បាស់ពីមូលហេតុ ហើយថាតើយន្តហោះគ្មានមនុស្សបើក​របស់អ៊ីស្រាអែលធ្វើ​ការ​វាយ​ប្រហារជនស៊ីវិលស៊ីរីជាក់លាក់មួយនេះឬយ៉ាងណាទេ។

ទីភ្នាក់ងារសារព័ត៌មាន SANA បានអោយដឹងថា កាលពីពេលថ្មីៗនេះកងទ័ពអាកាស​អ៊ីស្រាអែល​បានវាយប្រហារលើទឹកដីស៊ីរីនៅថ្ងៃទី ២៣ ខែកុម្ភៈដោយគិតថាប្រព័ន្ធការពារដែន​អាកាសរបស់ប្រទេសនេះកំពុងវាយលុក “គោលដៅសត្រូវ” នៅជិតទីក្រុងដាម៉ាស។

កងកម្លាំងការពារអ៊ីស្រាអែលក្រោយមកបានបញ្ជាក់ពីការវាយប្រហារនេះ ប៉ុន្តែបានអះអាងថា​មានទីតាំងគោលដៅ​របស់ក្រុមអ៊ិស្លាមជីហាតនៅក្នុងប្រទេសស៊ីរី។កងទ័ពអាកាសអ៊ីស្រាអែល​បានធ្វើការវាយប្រហារ តាមអាកាស ជារឿយៗទៅលើទឹកដី ស៊ីរីក្នុងរយៈពេលប៉ុន្មានឆ្នាំ​កន្លង​មកនេះ បើទោះបីជាការវាយប្រហារទាំងអស់ មិនត្រូវបាន យល់ព្រមជាផ្លូវការក៏ដោយ។

ទីក្រុង Tel Aviv បានអះអាងថាក្រុមគោលដៅជាអរិភាព ចំពោះអ៊ីស្រាអែលក្នុងអំឡុង​ពេល​នៃការវាយឆ្មក់តាមអាកាសទាំងនេះ ជាពិសេសគឺផ្តោតទៅលើកងកម្លាំង​អ៊ីរ៉ង់ដែលត្រូវបានគេ​ចោទប្រកាន់ថាមានវត្តមាននៅក្នុងប្រទេសនេះ។

អ៊ីរ៉ង់បដិសេធការបញ្ជូនកងទ័ពណាមួយលើសពីទីប្រឹក្សាយោធាដែលបានជួយក្រុងដាម៉ាសប្រយុទ្ធប្រឆាំងនឹងការគំរាមកំហែងភេរវកម្មដូចជាដាស។ ទាំងរដ្ឋាភិបាលស៊ីរីនិងអ៊ីរ៉ង់បានថ្កោល​ទោស​យ៉ាងខ្លាំងចំពោះការវាយប្រហារទាំងនេះ៕