ក្រោយគ្រងស្បង់ចីវរ ព្រះតេជ្ជគុណ ជីដេវីដ ទម្លាយមូលហេតុបួស ព្រមទាំងសុំបិណ្ឌបាត​សេចក្ដីស្អប់ និងការឈ្នានីស

96

កាលពីថ្ងៃទី ២២ ខែកក្កដា ឆ្នាំ ២០២០ កន្លង​ទៅ​ថ្មីៗ​នេះ​តារាចម្រៀងរ៉េបលោក ជីដេវីត បានធ្វើឲ្យអ្នកគាំទ្រភ្ញាក់ផ្អើល និងស្រឡាំងកាំងជាខ្លាំង ក្រោយឃើញ​លោកបានសម្រេចចិត្ត​ទៅបួស​ចោលគូស្នេហ៍កញ្ញា ទេព បូព្រឹក្ស។

ក្នុងនោះព្រះតេជ្ជគុណ ជីដេវីដ មានសង្ឃដិការ ផ្តាំផ្ញើទៅអ្នកគាំទ្រថា នៅពេលដែលបួស​ជាព្រះសង្ឈ​មុនដំបូង បំផុតនោះ​ខ្ញុំនឹងមិនបាននិយាយទៅកាន់បងប្អូនទៀតទេ​ព្រោះ​ដោយ​សារ​​មិនមានបណ្តាញទំនាក់ទំនងណាមួយដែលយើងអាចទំនាក់ទំនងគ្នាទៀតបានទេ ដូច្នេះ​ហើយខ្ញុំ​សូមនិយាយក្នុងវិឌីអូនេះឲ្យហើយ នៅពេលដែលខ្ញុំបានបួស គ្រងស្បង់ចីវរ​ជាព្រះ​សង្ឈ ខ្ញុំសូមបិណ្ឌបាតនូវរាល់សេចក្តីសេចក្ដី​ស្អប់ សេចក្តី​ឈ្នានីស សេចក្តីវិនាស​ទាំងឡាយ​ដែលមិនថាជាអ្នកគាំទ្រ មិនថាជាអ្នកស្អប់ខ្ញុំបាទ ខ្ញុំ​សូមបិណ្ឌបាតយកនូវ​ភាពទាំងអស់​នោះ​ហើយ​ក៏​សូមជូននូវបុណ្យកុសលដល់អស់អ្នកទាំងអស់នោះវិញ ដោយខ្ញុំ​សូមអហោសិកម្ម​នូវរឿងរ៉ាវទាំ​ងឡាយ ទាំងសេចក្តីស្អប់ សេចក្តីឈ្នានីស។

ព្រះតេជ្ជគុណ​មាន​សង្ឃដិកា​បន្ថែម​ទៀតថា ទាំងសេចក្តីច្រណែន​ទាំងប៉ុន្មាន​ទាំងពាក្យដែល​បងប្អូនធ្លាប់ជេរប្រមាថ​ក៏​ដោយ​ ខ្ញុំសុំអហោសិកម្មដល់បងប្អូនទាំងអស់ ហើយក៏​សូមជូននូវបុណ្យ​កុសលដែលខ្ញុំបានសាងនេះជូនទៅដល់អ្នកគាំទ្រនិងអ្នកស្អប់ទាំងអស់ ហើយ​ខ្ញុំសង្ឈឹថា បងប្អូនទាំងអស់​គ្នានឹងរីករាយទទួល​កុសលផលបុណ្យ​ដែលខ្ញុំបានសាង។

ជាចុង​ក្រោយ​​ព្រះតេជ្ជគុណ​ ក៏បានចេញមុខបកស្រាយការពិត បញ្ជាក់ពីមូលហេតុ ដែល​សម្រេចចិត្តទៅបួស ដោយសារតែមួយរយៈពេលនេះ ខ្ញុំត្រូវការ ភាពស្ងប់ស្ងាត់ ចង់រំងាប់អារម្មណ៍ខ្លួនឯង និងចង់យល់ដឹងពីវិស័យពុទ្ធសាសនា ទើបសម្រេចថាទៅបួស។ ជុំវិញ ដេវីត បួសនេះមិន​ដឹងថាប៉ុន្មានថ្ងៃឬប៉ុន្មានខែនោះទេ មានតែរង់ចាំ​ការបក​ស្រាយ​ពីសាម៉ីខ្លួន​តែប៉ុណ្ណោះ៕

អត្ថបទ៖ ឈន់ ស៊ាងហៃ