ញាក់សាច់! ថតឲ្យសម្អាងការតែ១ថ្ងៃសោះ តន់ ចន្ទសីម៉ា ស៊ីថ្លៃខ្លួនខ្ពស់កប់ពពក

266

អ្នកប្រើ​ប្រាស់បណ្ដាញ​ទំនាក់ទំនងសង្គមហ្វេសបុក​មួយចំនួនប្រាកដជា​បានដឹង​ហើយ​ថា​មួយ​រយៈ​ចុង​ក្រោយ​នេះ​តារាចម្រៀង តន់ ចន្ទសីម៉ា កំពុងផ្ទុះការចាប់អារម្មណ៍​ខ្លាំង​​ស្ទើរ​តែ​គ្រប់​បទ​ចម្រៀង​​របស់​នាង ទទួល​បាន​ការគាំទ្រ​ពី​មហាជន។

សាង​ភាព​ល្បី​ល្បាញ​ត្រឹម​មួយ​ប៉ប្រិច​ភ្នែក​នេះ​ហើយ​ទើប​បណ្ដា​ក្រុម​ហ៊ុន​តូ​ច​ធំ​មួយ​ចំនួន​នៅ​ក្នុង​ប្រទេស​កម្ពុជា ទាក់ទងឲ្យ​នាង ថត​ស្ប៉ត​​ជាបន្តបន្ទាប់​ស្ទើរ​តែ​រក​ពេល​សម្រាក​គ្មាន។ ជាក់​ស្ដែង​ថ្មីៗ​នេះ​នាង ត្រូវ​បាន​សម្អាង​ការ​មួយ​ពេញ​ចិត្ត​ហើយ​ទាក់ទង​ឲ្យ​ថត​ដោយ​ចាប់​ដៃ​គូ​ជាមួយ​លោក ខេម មើល​ទៅ​អ្នក​ទាំងពីរ​ស្រស់​ស្អាត​ និងសម​គ្នា​ខ្លាំងណាស់។

អ្វី​ដែល​គួរ​ឲ្យ​ចាប់​អារម្មណ៍​នោះ​គឺ​តម្លៃ​ខ្លួន​របស់​ តន់ ចន្ទសីម៉ា ស៊ី​ថ្លៃ​ខ្លួន​កប់​ពពក​ដោយ​គ្រាន់​តែ​ថត​សម្អាង​ការ​មួយ​ថ្ងៃ​សោះ​ទទួល​បាន​រាប់​ម៉ឺន​ដុល្លារ។​បើ​តាម​ហ្វេសប៊ុករបស់លោកយឹម តាស្រង់ អ្នកនិពន្ធ នៅក្នុងផលិតកម្ម Galaxy Navatra បានបង្ហោះសារថា “តារាស្រីល្បី​គ្រាន់តែថតរូបសំអាងការ១ថ្ងៃបាន ២០០០០ ដុល្លារ​​​អាមេរិក​ រួច​ហើយ​យក​មកចែក​អ្នកនិពន្ធ ២០​ភាគ​រយ​ទៀត​ នេះហើយបានម្នាក់ៗគេចង់ល្បីណាស់ អត់ត្រូវថ្លៃច្រៀង​ឬថតឲ្យនៅ​ដេកផ្ទះញ៉ាំ​បាយហូបបន្លែត្រីសាច់ផ្សារឡេង ណាវ៉ាត្រាផ្គត់ផ្គង់ឲ្យ”។

គួរ​រម្លឹក​ថា​តារាចម្រៀង តន់ ចន្ទសីម៉ា មានកេរ្តិ៍ឈ្មោះល្បីល្បាញខ្លាំងណាស់​ចាប់​តាំងពីនាង ចូលក្នុងផលិតកម្ម Galaxy Navatra ។ អ្វីដែលកាន់តែគួរឲ្យចាប់អារម្មណ៍ ពេលកញ្ញា​ចាប់ដៃគូរជាមួយតារាចម្រៀង ខ្មែរ និងថៃ ធ្វើការបកស្រាយបទចម្រៀងរួមគ្នា រឹតតែធ្វើឲ្យ​មហាជន ជាច្រើនគាំទ្រ៕

 

អត្ថបទ៖ សុភា ដានេត