ធ្ងន់កហើយម្ដងនេះ ឯកឧត្ដម​ឧត្ដមសេនីយ៍​ឯក​ ស​ ថេត​ កំពុងបញ្ជាឲ្យនគរបាល​រាជធានី​ភ្នំពេញនាំខ្លួន​ម្ចាស់​គណនី​ហ្វេសប៊ុក​ឈ្មោះ​Saran Narita ពាក់ព័ន្ធរឿងបង្ហោះវីដេអូសិចស៊ី

843

កាលពីថ្ងៃទី20 ខែកក្កដា​ ឆ្នាំ2020 ម្សិលមិញនេះអ្នកលេងបណ្ដាញសង្គមហ្វេសបុក​មួយចំនួន​ប្រាកដជាបានជ្រាបហើយ កាលពីពេលកន្លងទៅសម្តេចតេជោ ហ៊ុន សែន នាយករដ្ឋម​ន្ត្រីនៃ​ព្រះរាជាណាចក្រកម្ពុជា ធ្លាប់បានមានប្រសាសន៍ម្តងរួចមកហើយទាក់​ទងទៅនឹង​អ្នកលក់​​ឡេដែលស្លៀកពាក់សិ.ចស៊ី ដោយតម្រូវអោយបញ្ឈប់សកម្មភាពបែបនេះ ព្រោះវា​បាន​ប៉ះ​ពាល់ដល់កិត្តិយស និង សេចក្តីថ្លៃថ្នូររបស់ស្ត្រីខ្មែរ ហើយក៏ធ្លាប់​បានឃាត់.ខ្លួន​អ្នក​លក់​ឡេតាម​អន​ឡាញម្នា​ក់ឈ្មោះថា ថៃ ស្រីនាង ម្តងរួចមកហើយដោយសារ​តែផ្គើននឹង​ប្រសាសន៍​របស់​សម្តេច។

ថ្មីៗនេះស្រាប់តែមានម្ចាស់គណនី Facebook ម្នាក់ទៀតឈ្មោះថា(Saran Narita)បានស្លៀក​ពាក់សិ.ច.ស៊ីហួសថ្លែងដែលអាចនឹងមានវាសនាមិនខុសពី ថៃ ស្រីនាង ដែរមើលទៅ។ បើយោងតាមការចុះផ្សាយរបស់លោក ផែង វណ្ណៈ បានរៀបរាប់អោយដឹងថា៖ “ឯកឧត្ដម​ឧត្ដមសេនីយ៍​ឯក​ ស​ ថេត​ អគ្គស្នងការ​រងនគរបាលជាតិ​និង​ជា​ស្នងការ​នគរបាល​រាជធានី​ភ្នំពេញ​ បានអោយដឹងនៅមុននេះបន្តិចថា​ ឯកឧត្ដម​ឧត្ដមសេនីយ៍​ឯក​ បានកំពុង​បញ្ជា​អោយ​ការិយាល័យ​ជំនាញ​នៃ​ស្នងការដ្ឋាន​នគរបាល​រាជធានី​ភ្នំពេញ​ បើកការស្រាវជ្រាវដើម្បី​​នាំខ្លួន​ម្ចាស់​គណនី​ហ្វេសប៊ុក​ឈ្មោះ​(Saran Narita)ដែល​បានបង្ហោះ​រូបវីដេ​អូ.សិ.ចស៊ី​ហួសហេតុ​ធ្វើ​ឲ្យ​ប៉ះពាល់​ដល់​កិត្តិយស​និង​សេចក្ដី​ថ្លៃថ្នូរ​របស់​ស្ត្រី​ខ្មែរ​។

ជា​ពិសេស​បំពាន​នឹង​អនុសាសន៍​ណែនាំ​របស់​សម្ដេចតេជោ​ ហ៊ុន​ សែន​ ដែល​មិនអនុញ្ញាត​អោយ​អ្នកលក់​តាម​អនឡាញ​ ឡាយលក់ផលិតផលរបស់ខ្លួន​បញ្ចេញ​ភាព​សិចស៊ី​ហួសហេតុ​នោះទេ​៕

 

អត្ថបទ៖ សុភា ដេនេត