សុំសរសើរទឹកចិត្តលោកស្រី កូវ ច័ន្ទសុវណ្ណារិទ្ធ ជួយឧបត្ថម្ភលោកតាមានព្រះជន្មជាង១០០ឆ្នាំ តាំងពីនៅមានជីវិតរហូតដល់អស់ជីវិត

129

កាល​ពី​រសៀល​ថ្ងៃ​ទី១០ ខែកក្កដា ឆ្នាំ​២០២០ ម្សិលមិញ​នេះ​លោក​ស្រី​ កូវ ច័ន្ទសុវណ្ណារិទ្ធ អគ្គនាយិកា​ក្រុមហ៊ុន KCR Group និង​ជា​នាយិកា​សិប្បកម្មរ៉ារី បាន​ចាត់​តាំង​ក្រុ​ការងារ​ KCRចែករំលែកមនុស្សធម៌​បាននាំយកនូវ​ថវិកា​មួយចំនួនដើម្បីរៀបចំបុណ្យសព​តាមគន្លង​ប្រពៃណីខ្មែរជូនលោកតា អៀម រួន។

យោង​តាម​ទំព័រហ្វេសប៊ុក​ផេក​ KCR Charity បាន​បង្ហោះ​កាល​ពី​ម្សិលមិញ​បាន​ឲ្យ​ដឹង​ថា៖”នៅ​រសៀលថ្ងៃនេះនាងខ្ញុំ កូវ ច័ន្ទសុវណ្ណារិទ្ធ អគ្គនាយិកាក្រុមហ៊ុនKCR Group និងជានាយិកា​សិប្បកម្មរ៉ារី បានចាត់តាំងក្រុមការងារKCRចែករំលែកមនុស្សធម៌​បាននាំយកនូវបច្ច័យ​មួយ​ចំនួនដើម្បីរៀបចំបុណ្យសពតាមគន្លងប្រពៃណីខ្មែរជូនលោកតា អៀម រួន ដែល​លោកតា​បានធ្វើមរណកាលទៅកាន់លោកខាងមុខនៅវេលាថ្ងៃនេះ ក្នុងព្រះជន្មជាង១០០ឆ្នាំ។

សូមបញ្ជាក់ថានាងខ្ញុំតែងតែឧបត្ថម្ភជាសម្ភារៈ និងថវិកាជាប្រចាំជូនលោកតា នៅពេលដែលលោកតា នៅមានព្រះជន្ម ហើយនៅពេលនេះទោះ​បីជាលោកតា​បានធ្វើមរណកាលទៅហើយក្តី ក៏នាងខ្ញុំបានរៀបចំចាត់ចែងបុណ្យសពជូនលោកតា ដើម្បីលោកតាបានទទួលយកនូវមគ្គផលទៅអនាគតជាតិ។

សូមអោយដួងវិញ្ញាណក្ខ័ន្ធលោកតាយោងយកកំណើតក្នុងឋានសុគតិភពហើយម៉្យាងវិញទៀតកុសលផលបុណ្យដែលចៅបានធ្វើទាំងប៉ុន្មាននេះសូមឧទ្ទិសជូនជីដូនជាទីស្រលាញ់របស់ចៅគឺ មហាឧបាសិកា ធម្មវិញ្ញាណ វិវឌ្ឍនា ប៊ុន ស៊ាងលី, លោកឪពុក កូវ សាមុត, លោក រដ្ឋ ច័ន្ទណូរដ្ឋឌី ព្រមទាំង ញាត្តិការទាំង៧សន្តានទាំងអស់អំពើល្អមិនសាបសូន្យ​។

គួរ​រម្លឹក​​ថា​ លោក​ស្រី អគ្គនាយិកាសិប្បកម្មរ៉ារី និង​ជាអគ្គនាយិកា​ក្រុមហ៊ុន KCR Group តែង​តែ​បង្ហាញ​សកម្មភាពសប្បុរសធម៌​គ្រប់​ពេល​ជួ​យ​ដល់​ចាស់ជរា ក្មេង​កំព្រា ទុរគត់ជន​ជាដើម។ ពោល​គឺ​ឲ្យ​តែ​ឃើញ​ប្រជាជន​ខ្មែរ​រងទុក្ខលំបាក និង​អយុត្តិធម៌​លោក​ស្រី មិន​ឱប​ដៃ​ឈរមើល​ឡើយ៕