ក្រោយដឹងរឿងថៅកែហាង ពេជ្រ ទ្រីដាណា ចូលបុណ្យតារា Tiktok ចាន់ សម្បត្តិរតនផ្កាយ ខ្ទង់ពាន់ដុល្លារភ្លែត

319

កាល​ពី​ប៉ុន្មាន​ថ្ងៃ​នេះ​រឿង​រ៉ាវ​ដ៏​​រន្ធត់​​តារា​ Tiktok ចាន់ សម្បត្តិរតនផ្កាយ ត្រូវ​រថយន្ត​មួយ​គ្រឿង​បើក​ដេញ​បុក​រហូត​ដល់​ស្លាប់​បាន​ធ្វើ​ឲ្យ​អ្នក​ប្រើប្រាស់​បណ្ដាញ​ទំនាក់​ទំនង​សង្គម​អាណិត​អាសូរ​យ៉ាង​ខ្លាំង​​ ដោយ​មិន​នឹក​ស្មាន​ថា​យុវជន​រូប​នេះ​អាយុ​ខ្លី​បែប​នេះសោះ។

ក្នុង​នោះ​ថៅកែ​ពេជ្រ​ល្បី​ឈ្មោះ​លោក​ស្រី​​ ទ្រី ដាណា ដែល​គ្រប់​គ្នា​ស្គាល់ថា​ជា​អគ្គនាយិកា​ផលិតផល​ថែរក្សា​សម្រស់​ NNP នោះ​ក៏​បាន​ចូល​បុណ្យ​នូវ​ទឹក​ប្រាក់​ ១ ០០០ ដុល្លារ​ផងដែរ​ក្រោយ​​ទទួល​ដំណឹង​ថា​ ចាន់ សម្បត្តិរតនផ្កាយ ជា​ក្មេង​ប្រុស​ម្នាក់​ដែល​មាន​អាកាប្បកិរិយា​ល្អ​គួរ​ឲ្យ​ស្រឡាញ់​។

ជាមួយ​អារម្មណ៍​សោក​ស្ដាយ​​ស្ទើរ​រក​ពាក្យ​អ្វី​មក​ថ្លែង​ពុំ​បាន​លោក​ស្រី ទ្រី ដាណា បាន​សរសេរ​រៀបរាប់​ថា៖”ដំបូង ខ្ញុំអត់ដឹងប្អូនផ្កាយ អ្នកណាទេ តែដឹងត្រឹមថាប្អូនជាមនុស្សល្អ ទើបមាន​គេចង់ឱ្យជួយច្រើន មានគេប្រាប់ថា ប្អូនជួបគ្រោះថ្នាក់ចរាចរណ៍ ចូលរួមរំលែកទុក្ខផង ពិតជាសោកស្ដាយមនុស្សល្អៗណាស់។​ ឃើញថា គាត់តស៊ូ ចេះជួយគ្រួសារ កំពុងជួប​ការលំបាក ខ្ញុំមានតែជួយចូលរួម ១០០០ ដុល្លារ។ ស្អែកនេះ ឱ្យគេយកទៅ​ជូនគ្រួសារគាត់​ហើយ។ សង្ឃឹមថា អាចជួុយសម្រាលការលំបាក ឪពុកគាត់ខ្លះ”៕