ក្ដុកក្ដួលហួសថ្លែង វីរៈសិល្បករផ្នែកចម្រៀងអាយ៉ៃលោកគ្រូ ឈិន ឈាង ទទួលមរណភាព​​កាលពីម្សិលមិញ

62

នេះ​គឺ​ជា​ដំណឹង​ក្ដុក​ក្ដួល​មួយ​ដែល​វីរៈសិល្បករ​កម្ពុជា​ផ្នែក​ចម្រៀង​អាយ៉ៃ​​លោក​គ្រូ​ ឈិន ឈាង បាន​ទទួល​មរណភាព​​កាល​បី​ថ្ងៃ​ទី​២៩ ខែឧសភា ឆ្នាំ​២០២០ ម្សិលមិញ​នេះ​នៅ​វេលា​ម៉ោង​ ៣ និង​៤៥ នាទី​រសៀល​ក្នុង​ជន្មាយុ​៧៥ ឆ្នាំ​​ដោយ​ជរាពាធ។

បើ​តាម​ប្រសាសន៍​របស់​លោកស្រី អ៊ុក សុផា ត្រូវជាភរិយា​របស់​លោក​គ្រូ ឈិន ឈាង  បានរៀបរាប់​ទាំង​ទឹក​ភ្នែក​ថា  លោកតាស្មៀនឈិន ឈៀង ជាបុត្រ លោកតា នាន់ ឈិន(ស្មៀនឈិន) ជាអ្នកចម្រៀងអាយ៉ៃ​ដែលមានឈ្មោះបោះសំឡេង​តាំងពីទសវត្សរ៍​៦០មកម្ល៉េះ។មកដល់ទសវត្សរ៍​៨០ និង ៩០លោកតាកាន់តែមានប្រជាប្រិយភាពកាន់តែខ្លាំង លោកតាជាតួឯកល្ខោនយីកេ និងអាយ៉ៃរឿងនៅវិទ្យុជាតិដែលធ្វើឱ្យ​ប្រជាជនខ្មែរជំនាន់នោះ​មិនអាចភ្លេចសំឡេងលោកបានឡើយ ហើយក៏ចេះច្រៀង និងលេងចាប៉ីដងវែងផងដែរ។ មកដល់ឆ្នាំ២០០០ លោកតាហាក់បីដូចជាស្ងាត់ការ​សម្ដែង។

ពេល​នេះ​សព​​លោកគ្រូ ឈិន ឈាង បាន​តម្កល់​ធ្វើ​បុណ្យ​​នៅគេហដ្ឋាន របស់លោក​គ្រូ​ដែលស្ថិតនៅសង្កាត់បឹងកក់ទី២ ខណ្ឌទួលគោក រាជធានី​ភ្នំពេញ​ ខាងក្រោយវត្តនាគវ័ន្ត។ ដំណឹងនេះទុកជាការអញ្ជើញបងប្អូនសិល្បករទាំងអស់ចូលរួមរំលែកទុក្ខតាមសទ្ធារៀងៗខ្លួន។