យល់ច្រឡំខុសហើយថា ណយ វណ្ណេត ធ្លាក់ខ្លួនជាកម្មករសំណង តាមពិតលោកមានវីឡា ស្កឹមស្កៃ៣កន្លែងឯណោះ

14

កាល​ពី​ប៉ុន្មាន​ថ្ងៃ​នេះ​មាន​សារព័ត៌មាន​ក្នុង​ស្រុក​មួយ​ចំនួន​បាន​ចុះ​ផ្សាយ​ថា​តារាចម្រៀង​ជើង​ចាស់​លោក ណយ វណ្ណេត ធ្លាក់​ខ្លួន​ធ្វើ​ជា​កម្មករ​សំណង់​​ដើម្បី​បាន​ប្រាក់​បន្ដិច​បន្តួច​យក​មក​ចិញ្ចឹម​ក្រពះ។

ជុំវិញ​ព័ត៌មាន​​ខាង​លើ​នេះ​ដែរ​លោក ណយ វណ្ណេត សូម​ច្រាន​ចោល​ទាំង​ស្រុង​​ថា​​​មិន​មែន​ជា​ការ​ពិត​ដូច​​គេ​យក​រូប​លោក មក​ផ្សព្វផ្សាយ​ឡើយ​ គឺ​ពេល​នេះ​លោក​កំពុង​តែ​រស់នៅ​យ៉ាង​មាន​ក្ដី​សុខ​ជាមួយ​ក្រុម​គ្រួសារ​ប្រពន្ធ​កូន​ ដែល​បច្ចុប្បន្ន​នេះ​លោក​មាន​ផ្ទះ​រហូត​ដល់៣​កន្លែង​ឯណោះ​។ ផ្ទះទី១ ជា​វីឡាកូនកាត់ នៅ​ខាង​ត្បូង​វត្តជំពូកក្អែក វីឡាទី២ គឺនៅវត្តនិរោធ និង​ផ្ទះ​ល្វែង​ទី៣ វាលស្បូវ។ នេះ​បើ​តាម​លោក អ៊ឹម ជីវ៉ា បង្ហោះ​នៅ​លើ​ហ្វេសប៊ុក ដែល​លោក​បាន​ទៅ​ជួប​លោក ណយ វណ្ណេត ដោយ​ផ្ទាល់។

លោក អ៊ឹម ជីវ៉ា បន្ថែម​ថា ក្រៅ​ពី​មាន​វីឡា២ និង​ផ្ទះ​១ល្វែង​ដូច​ដែល​បាន​រៀបរាប់​ខាង​លើ​លោក ណយ វណ្ណេត ក៏​មាន​ដី​ច្រើន​កន្លែង​ទៀត​នៅ​ខេត្ត​កំពង់ស្ពឺ ផងដែរ។ ចំពោះ​រូប​ភាព​ដែល​ពុក​ម៉ែ​បងប្អូន​ និង​សារព័ត៌មាន​យក​ទៅ​ចុះផ្សាយ​នោះ​គឺ​លោក ជួយ​ធ្វើ​ដំបូល​ផ្ទះ​ខាង​លើ​ឲ្យ​កូន​ព្រោះ​ខ្ចិល​ជួល​ជាង​នាំ​ឲ្យ​អស់​លុយ​ច្រើន។

ណា​មួយ​តារាចម្រៀង​ជើង​ចាស់​រូបនេះ​ចេះ​ផ្នែក​សាងសង់​ដែរ​ ដោយ​លោក អាច​ធ្វើ​វា​បាន​។​ចំពោះ​មានជីវភាព​ឥឡូវ​ធូធាមិនខ្វះខាត មិនធ្វើជាកម្មករសំណង់ដូចគេនិយាយឡើយ។
សូមបញ្ជាក់ដែរថាលោក ណយ វណ្ណេត មាន​កូន​ចំនួន​ ៥នាក់​ហើយ​លោក បាន​ចូល​ប្រឡូក​សិល្បៈ​មុន​ដំបូង​ក្នុង​ឆ្នាំ​១៩៨៦ ហើយ​ចាប់​ផ្ដើម​ល្បី​ល្បាញ​ខ្លាំង​ក្នុង​ឆ្នាំ ១៩៩០៕