ទម្លាយរឿង ខេមរៈ សិរីមន្ត ពាក់ព័ន្ធជាមួយ ព្រាប សុវត្ថិ ដែលអ្នកគាំទ្រមិនធ្លាប់ដឹងអស់រយៈពេលជាច្រើនឆ្នាំមកនេះ

73

ត្បិត​ពេល​នេះលោក​​​ ខេមរៈ សិរីមន្ត មាន​ឈ្មោះ​ជា​តារាចមៀងជួរ​មុខ​នៅកម្ពុជាក្ដី​ តែ​មាន​អ្នកគាំទ្រ​តិច​តួច​ណាស់​ដែល​ដឹង​រឿងរ៉ាវ​មួយ​ចំនួន​របស់​លោក ពាក់ព័ន្ធ​និង​តារាចមៀង​លោក ព្រាប សុវត្ថិ អំឡុង​ពេល​ចូល​ប្រឡូក​សិល្បៈ​លើក​ដំបូង។

តារាចម្រៀង​លោក ខេមរៈ សិរីមន្ត ចូល​ប្រឡូក​សិល្បៈ​មុន​ដំបូង​តាម​រយៈ​កម្មវិធី​ប្រឡង​ប្រជែង​បទ​ចម្រៀង​របស់​​ទឹកដោះគោ Nestle កាល​ពី​ឆ្នាំ​២០០៤ ដោយ​លោក​ទទួល​បាន​ជ័យលាភី​លេខ១ បើ​គិត​មក​ដល់​ឆ្នាំ ២០២០ នេះ​មាន​រយៈ​ពេល​ ១៦ឆ្នាំហើយ​​​ដែល​ម្ចាស់​បទ “ប្រាំពាន់ដុល្លារ” រូប​នេះ​ចូល​ប្រឡូក​សិល្បៈ។

ចំពោះ​រឿង​រ៉ាវ​មួយចំនួន​​​ដែលអ្នកគាំទ្រ​មិន​ធ្លាប់​ដឹង​ពាក់​ព័ន្ធ​លោក ខេមរៈ សិរីមន្ត ជាមួយ​លោក ព្រាប សុវត្ថិ នាពេល​កន្លង​មក​ដោយ​សារ​តែ​អំឡុង​ពេល​ចូល​ប្រឡង​បទ​ចម្រៀង​កាល​ពី​ឆ្នាំ​២០០៤ គឺ​លោក ខេមរៈ សិរីមន្ត យក​បទ​ចម្រៀង​របស់​លោក ព្រាប សុវត្ថិ ទៅ​បក​ស្រាយ​ចំនួន​៥បទ។​បទ​ចម្រៀង​ទាំង ​៥​បទ​នោះ ​រួម​មាន​ ច័ន្ទមិន​ស្ដាយ​រស្មី គោះ​ទ្វារ​បេះ​ដូង ចិត្ត​ព្រៃ​ផ្សៃ បើក​សៀវភៅ​ឃើញ​ស្នេហ៍ និង​​បទ គ្រប់គ្រាន់ហើយ។

គួរ​រម្លឹក​ថា​ក្រោយពី​​ប្រឡង​ជាប់​ជ័យលាភី​លេខ​១ របស់​​ទឹកដោះ​គោ​ Nestle កាល​ពី​ឆ្នាំ​២០០៤ រួច​មក​លោក ខេមរៈ សិរីមន្ត បាន​ក្លាយ​ជា​តារាចម្រៀង​របស់​ផលិតកម្ម​ U2 ដោយ​ចាប់​ដៃ​គូ​ជាមួយ​ ឱក សុគន្ធកញ្ញា។ ​ បន្ទាប់​មក​ទៀត​លោក ក៏​ចូល​ផលិតកម្ម​សាន់ដេ ដោយ​ចាប់​ដៃគូ​​ជាមួយ​ សុខ ពិសី និង ខេមរៈ ស្រីពៅ។ ក្រោយ​ចប់​កុង​ត្រា​នៅ​ផលិតកម្ម​សាន់ដេ​លោក ក៏​ចូល​ទៅ​ផលិតកម្ម​ហង្សមាស​រហូត​ដល់​បច្ចុប្បន្ននេះ៕