រំជួលចិត្ត! បវរកញ្ញាពិភពលោកម្នាក់ បានទទួលមរណភាពទាំងវ័យក្មេងនៅអាមេរិក

9

កាល​ពី​ថ្ងៃ​ទី៨ ខែមេសា ឆ្នាំ​២០២០ កន្លង​ទៅ​ថ្មីៗ​​កញ្ញា Jacqueline Dang ដែល​គ្រប់​គ្នា​ស្គាល់​ថា​ជា​បវរកញ្ញា​ Miss Planet international 2019 ជនជាតិ​វៀតណាម បាន​ទទួល​មរណភាព​​​ហើយ​នៅ​​រដ្ឋ​កាលីហ្វញ៉ា ​សហរដ្ឋអាមេរិក ដោយ​ជំងឺគាំងបេះដូង​ក្នុង​វ័យ​​២៣ឆ្នាំ។

ការ​លាចាក​លោក​ទៅ​គ្មាន​ថ្ងៃ​ត្រឡប់​របស់​ Jacqueline Dang បាន​​ធ្វើ​ឲ្យផ្អើល​ពិភព​លោក​តែម្ដង​ជាពិសេស​​ប្រទេសវៀតណាម និង​សហរដ្ឋអាមេរិក ​ដោយ​ពួកគេ​មិន​នឹក​ស្មាន​ថា​បវរកញ្ញា រូប​នេះ​ទទួល​មរណភាព​ទាំង​វ័យ​ក្មេង​បែបនេះ​សោះ។

ដោយ​ពួកគេ​បាន​សរសេរ​រៀបរាប់​នៅ​លើ​ហ្វេសប៊ុក​ថា៖” Jacqueline Dang បាន​សម្រាក​ទៅ​ឋានសួរគ៌​ហើយ ទោះបី​អ្នក​ស្លាប់​ទៅ​ហើយ​ក្ដី តែ​អ្នក​ជា​មិត្តជិតស្និទ​បំផុត​ដែល​ស្ថិត​នៅ​ក្នុង​ដួង​ចិត្ត​ពួក​យើង​ជារៀង​រហូត​។ ហើយ​អ្វី​ដែល​មិន​អាច​ទទួល​យក​បាន​ពេល​នេះ​គឺ​ប៉ាម៉ាក់ របស់​អ្នក​​ដែល​លោក​ទាំង​ពីរ​កំពុង​តែ​ស្ថិត​នៅ​គ្រាលំបាក​បំផុត ព្រោះ​កូន​ស្រី​តែម្នាក់​លា​លោក​ទាំង​ពីរ​គ្មាន​ថ្ងៃ​ត្រឡប”។

កញ្ញា Jacqueline Dang គឺ​ជា​បវរកញ្ញា​​ Miss Planet international 2019 ដ៏​ល្បី​ឈ្មោះ​មួយ​រូប​ ដែល​ជាប់​ពាន​​​​ពិសេស​ផ្នែក​មនុស្ស​ធម៌​លើ​ពិភព​លោក​ ហើយ​នាង​គឺ​ជា​កូន​ស្រី​ទោល​នៅ​ក្នុង​គ្រួសារមួយ​​ ដែល​មាន​ឪពុក​​ឈ្មោះ​ Jonathan Dang ៕