ផ្អើលអស់មហាជន!ប្អូនធម៌ ពែកមី បោះទុនជាង២លានដុល្លារវិនិយោគអលនទ្រព្យ កណ្ដាល​ក្រុងកំពង់ស្ពឺម្សិលមិញ

46

កាល​ពី​ថ្ងៃ​ទី​​​១៦ ខែ​មីនា ឆ្នាំ ២០២០ ម្សិល​មិញ​នេះ​​អគ្គនាយកវ័យ​​ក្មេង​​នៃ ក្រុម​ហ៊ុន​លំនៅដ្ឋាន​​ ឈាំង ហេង លោក ជោត លាង​ហេង ដែល​គ្រប់​គ្នា​ស្គាល់​ថា​ជា​ប្អូន​ធម៌​​របស់​តារាកំប្លែង​ ពែកមី នោះ​បាន​បោះ​ទុន​​ថវិកា​ជាង​២លាន​ដុល្លារ​អាមេរិក​​​លើ​ទំហំ​ដី​កន្លះ​ហិកតា ដើម្បី​សាងសង់​ផ្ទះ​ល្វែង​​លក់​កណ្ដាល​ក្រុង​ច្បារមន ខេត្ត​កំពង់ស្ពឺ។

លោក ជោត លាងហេង អគ្គនាយក​នៃ​ក្រុម​ហ៊ុន​​​លំនៅដ្ឋាន ឈាំង ហេង ​បាន​ឲ្យ​ដឹង​ថា​ ការ​ក្រុង​ពាលី​​​​ដំណើរ​ការ​នៃ​ការ​សាងសង់​ផ្ទះ​ល្វែង​ចំនួន​៣៩ ខ្នង​នេះ​ដែរ​ក្រុម​ហ៊ុន​លោក មាន​ការ​បញ្ចុះ​តម្លៃ​ជា​ពិសេស​សម្រាប់​អតិថិជន​​១០នាក់​ដំបូង ១ម៉ឺន​ដុល្លារ​​​តែ​ម្ដង​។ ដោយ​ក្រុម​ហ៊ុន​លោក លក់​តម្លៃ​ក្រោម​ទីផ្សារ។

ចំពោះ​តម្លៃ​វិញ​ក្នុង​១​ល្វែង​ ក្រុម​ហ៊ុន​លោក លក់​​ជាង​៧​ម៉ឺន​ដុល្លារ​​ឡើង​ទៅ​ជាមួយ​ទីតាំង​ដែល​ល្អ​ ប្រសិន​បើ​ពុក​ម៉ែ​បង​ប្អូន​ទិញ​មិន​ខក​បំណង​ឡើយ​ ព្រោះ​មាន​សាលា​រៀន ​មន្ទីរពេទ្យ រោងចក្រ ផ្សារ​ ហេដ្ឋារចនាសម្ព័ន​ផ្លូវបេតុង ជាដើម។​អ្វី​ដែល​ពិសេស​នោះ​គឺ​ចំកណ្ដាល​ក្រុង ច្បារមន ខេត្តកំពង់ស្ពឺ ផ្ទាល់​តែ​ម្ដង។

លោក​ថា៖” ចំពោះ​​ការ​វិនិយោគ​នេះ​ដែរ ខ្ញុំចូល​ហ៊ុន​គ្នា​ជាមួយ​មិត្តភ័ក្ដិ​ខ្ញុំ​លោក ឈាំង ដោយ​ពួក​យើង​ចាយ​ដើម​ទុន​ជាង​ ២លាន​ដុល្លារ​អាមេរិក​ ដើម្បី​ដំណើរ​ការ​គម្រោង​ទី១​នេះ​លើ​ទំហំ​ដី កន្លះ​ហិកតា ដោយ​សាង​សង់​ផ្ទះល្វែង​ចំនួន​៣៩ ល្វែង”។

ក្រៅពី​គម្រោង​នេះ​ទៅ​លោក ក៏​មាន​គម្រោង​ទី២​បន្ទាប់​ដែល​នឹង​លេច​រូប​រាង​នៅ​ខេត្ត​កំពង់ចាម ក្នុង​ពេល​ឆាប់​ខាង​មុខ​នេះ​ហើយ​ ជាមួយ​ការ​សាង​សង់​​ដោយ​ផ្ដោត​លើ​គុណ​ភាព​សំណង់​ជា​ចម្បង។

​ចំណែក​ឯ​ ពែកមី វិញ​បាន​បញ្ជាក់​ថា​ប្អូន​ធម៌​របស់​លោក​មាន​ឈ្មោះ ជោត លាង​ហេង គឺ​អគ្គ​នាយក​ក្រុមហ៊ុន​លំនៅ​ដ្ឋាន ឈាំង ហេង ដែល​ទើប​ដំណើរ​ការ​បុក​គ្រឹះ​សាងសង់​ម្សិលមិញ​នេះ។ តារា​កំប្លែង​បញ្ជាក់​ថា ពួក​លោក​បាន​ជួប​ស្គាល់​គ្នា និង​ធ្វើការ​ជាមួយ​គ្នា​អស់​រយៈ​ពេល​ជាង ៣​ឆ្នាំ​មក​ហើយ នៅ​ក្នុង​ក្រុមហ៊ុន “ត្រាស់​មី” ហើយ​ក៏​បាន​រាប់​អាន​គ្នា​ជា​បង​ប្អូន​រហូត​មក។

ពែកមី ថា ប្អូន​ប្រុស​លោក​ភ្នែក​មុត ទើប​រើស​បាន​គម្រោង​ដែល​ស្ថិត​នៅ​ទីតាំង​ល្អ ស្ថិត​នៅ​ភូមិសំណង់ សង្កាត់រកាធំ ក្រុងច្បារមន ខេត្តកំពង់ស្ពឺ។

បន្ថែម​ពីនេះ​ក្រុម​ហ៊ុន​​លំនៅដ្ឋាន​ ឈាំង ហេង ក៏​បាន​ធ្វើ​ផ្លូវ​ក្រាល​បេតុង​មួយ​ខ្សែ​ជួយ​ដល់​រដ្ឋ​ផង​ដែរ​ដោយ​ចំណាយ​ទាំង​ប្រាក់​អស់​ជាង​១០​ម៉ឺន​ដុល្លារ​អារមេរិក ដោយ​ដល់​នេះ​ទទឹង​៨ ម៉ែត្រ និង​បណ្ដាយ​៤០០ ម៉ែត្រ ផង​ដែរ៕