ក្ដៅៗលោកជំទាវឧកញ៉ា អ៊ាន សៀវម៉ី ចេញមុខមកបញ្ជាក់ជាថ្មីម្ដងទៀត រឿងករណីចោប្លន់​លុយអស់ខ្ទង់លានដុល្លារអាមេរិក កាលពីម្សិលមិញ

1

ជារឿង​មួយ​គួរ​ឲ្យ​ភ្ញាក់​ផ្អើល​កាល​ពី​​ព្រឹក​ថ្ងៃ​ទី​១៩ ខែធ្នូ ឆ្នាំ​២០២១ ម្សិលមិញ​នេះ​នៅ​វេលា​ម៉ោង​​ ១០ និង​៥០​នាទី​​​អ្នក​លក់​អនឡាញ​ល្បី​ឈ្មោះ​លោក​ជំទាវឧកញ៉ា អ៊ាន សៀវម៉ី ត្រូវ​បាន​ចោរ​ប្លន់​យកលុយ និងគ្រឿងអលង្ការសរុបជាទឹកប្រាក់​ខ្ទង់​លាន​ដុល្លារ​អាមេរិក​។ ក្រោយ​ពេល​កើត​ហេតុ​បណ្ដាសារព័ត៌មាន​ក្នុង​ស្រុក​បាន​​សរសេរ​បង្ហោះ​ព្រោង​ព្រាត​លើ​បណ្ដាញ​ទំនាក់​ទំនង​សង្គម​តែម្ដង។

ខណៈ​ពេល​រឿង​ខ្លួន​កំពុង​តែផ្ទុះការ​ចាប់​អារម្មណ៍​ពី​មហាជន​ និង​បណ្ដា​អ្នក​សារ​ព័ត៌មាន​ក្នុង​ស្រុក​ដូច្នេះ​បាន​ធ្វើ​ឲ្យ​លោក​ជំទាវ​ឧកញ៉ា អ៊ាន សៀវម៉ី ចេញ​មុខ​បក​ស្រាយ​នៅ​មុន​នេះ​បន្ដិច​ដោយ​បាន​បង្ហោះ​សារ​រៀបរាប់​ថា៖”សូមជំរាបជូនមហាជនទាំងអស់ឲ្យ​បានជ្រាបថា ព័ត៍មាន​នៃការ​បាត់បង់ទ្រព្យសម្បត្តិទាំងអស់របស់នាងខ្ញុំ នៅមិនទាន់ច្បាស់ការនៅឡើយទេ យើងកំពុងធ្វើការសហការជាមួយសមត្ថកិច្ចគ្រប់ជំនាញនៅឡើយ”។

ដូចនេះ សូមបណ្តាអង្គភាពពត៍មានទាំងអស់ សូមមេត្តាកុំចុះផ្សាយពត៍មានមិនទាន់ច្បាស់ការ មិនតម្លាភាព ឬវិភាគដោយឯងៗ យើងខ្ញុំជាជនរងគ្រោះ សូមអះអាងថាការបាត់បង់​មានចំនួន​ច្រើនលើសលប់ ខ្ទង់លាន$ ដែលយើងកំពុងសើរើវិកយ័បត្រ័ដើម្បីផ្ទៀងផ្ទាត់។

ព័ត៍មានជាផ្លូវការនឹងចេញបញ្ជាក់នៅពេលឆាប់ៗនេះ សូមអរគុណដល់សមត្ថកិច្ចគ្រប់​ជំនាញដែលបានយកចិត្តទុកដាក់ក្នុងការប្រតបត្តិការណ៍នេះយ៉ាងសកម្ម ហើយក៏សង្ឃឹមថានឹងអាចវែករកមុខសញ្ញាចាប់ក្រុមចោរប្លន់ប្រដាប់អាវុធនេះបានក្នុងពេលឆាប់ៗនេះ។យើងនឹងមានការបកស្រាយនៅក្នុងការឡាយ លើករណីនេះ។ពាក្យចរចាមអារ៉ាម រលត់ដោយបញ្ញា។

គួរ​រម្លឹក​ថា បើតាមការរៀបរាប់របស់សមត្ថកិច្ចបានឲ្យដឹងថា នៅមុនពេលកើតហេតុជនរង​គ្រោះ​លោក​ជំទាវ​ឧកញ៉ា​​ អ៊ាន សៀវម៉ី  និងក្រុមគ្រួសារមានមនុស្ស១០នាក់ ក្នុងនោះមាន ប្រុស៤ ស្រី៣ និងក្មេង៣នាក់ (ប្រុស១ស្រី២) កំពុងរៀបចំចេញដំណើរ​ទៅផ្ទះរបស់ខ្លួនទៅ​ខេត្តកំពង់ស្ពឺ ហើយពេលកំពុងរៀបចេញពីផ្ទះ ក៏ស្រាប់តែមានជនសង្ស័យ​មួយក្រុមមានគ្នា៤នាក់ អង្គុយក្នុងឡាន១នាក់ (ឡានម៉ាក GS អត់ស្លាកលេខពណ៌ស) (ក្នុងចំណោម៤នាក់មានម្នាក់ពាក់សក្តិ៤) ចុះមកឃាត់ជនរងគ្រោះមិនឲ្យចេញដំណើរ ហើយប្រាប់ជនរងគ្រោះថា ពួកគេមកពីក្រសួងមកអនុវត្តដីការ។