ខ្លាំងដៃណាស់! CL តូច និង បូព្រឹក្សតូច ត្រៀមដណ្ដើមយកពានកញ្ញាឯកភេទទី៣ពី ធុងប៉េត្រូ ខណៈភេទទី៣ច្រើនរូបចូលរួមប្រកួត

1

តារាហ្វេសប៊ុក និង​សម្ដែង​ ធុងប៉េត្រូ ត្រៀម​ធ្វើ​កម្មវិធី​ប្រកួត​កញ្ញា​ឯក​ភេទ​ទី៣​នា​ពេល​ដ៏​ខ្លី​ខាង​មុខ​នេះ​ហើយ​ប្រសិន​បើ​ពេល​វេលា​អំណោយ​ផល ដោយ​អ្នក​ទទួល​បាន​ជ័យលាភី​លេខ​១​ទទួល​បាន​​ទឹក​ប្រាក់​៣០០ដុល្លារ​ដុល្លារ​។

ក្រោយ​ទទួល​ដំណឹង​ថា​ ធុងប៉េត្រូ ធ្វើ​កម្មវិធី​ប្រកួត​ប្រជែង​​ជ្រើសរើស​កញ្ញា​ឯក​ភេទ​ទី៣​រួច​មក​ ក៏​មាន​តារា​ហ្វេសប៊ុក និង​សម្ដែង​ភេទ​ទី៣​ជា​ច្រើន​នាក់ បាន​ដាក់​ពាក្យ​ នឹង​ផ្ញើរូប​ចូល​រួម​ប្រកួត​ផងដែរ​ ដោយ​ពួកគេ​ម្នាក់​ៗ​សង្ឃឹម​យ៉ាង​មុតមាំ​ថា​ខ្លួន​អាច​មាន​ឱកាស​បានដើរ​បង្ហាញ​រាង​លើឆាក​បង្អួត​ភ្នែក​មហាជន​នាពេល​ខាង​មុខ។

ក្នុង​នោះ​តារាហ្វេសប៊ុក​ភេទ​ទី៣​ CL តូច និង​បូព្រឹក្ស​តូច ដែល​ជា​បងប្អូន​បង្កើត​នឹង​គ្នា​នោះ​ក៏​បាន​ដាក់​ពាក្យ​ប្រកួត​ប្រជែង​ក្នុង​កម្មវិធី​ខាង​លើ​នេះ​ដែរ។ អ្នក​ទាំង​ពីរ​សង្ឃឹម​នឹង​ជឿជាក់​លើ​ខ្លួន​ឯង​ថា​ពួកគេ​នឹង​ទទួល​បាន​ជ័យ​លាភី​ពី​កម្មវីធី​មិនខាន់ ព្រោះ​ម្នាក់​ៗ​មាន​ហ្វេនៗ​គាំទ្រ​ភ្លូក​ទឹកភ្លូកដី។

បើ​តាម​ ធុងប៉េត្រូ ឲ្យ​ដឹង​ថា​សម្រាប់​កញ្ញា​ឯក​ភេទ​ទី៣​ណា​​បាន​ជ័យលាភី​លេខ​១​ទទួល​បាន​ថវិកា​ ៣០០ដុល្លារ លេខ​២ ទទូល​បាន​២០០ដុល្លារ និង​លេខ​៣ ទទួល​បាន​១០០ដុល្លារ។ ចំពោះ​រង្វាន់​ខាង​លើ​នេះ​ដែរ​គឺ​ជា​ទឹក​ប្រាក់​លើក​ទឹក​ចិត្ត​បន្ដិច​បន្តួច​​ដើម្បី​ជា​ការ​លើក​ទឹក​ចិត្ត​ លើកស្ទួយភេទទី៣ កុំអោយមានការរើសអើង នឹង​ឲ្យ​ពួកគាត់ មានការងារធ្វើ នឹងជួយ​ចូលរួមជួយ​សង្គមផងដែរ ។

គួរ​រម្លឹក​ថា​ពេលនេះ​ភេទ​ទី៣ ដែល​ដាក់​ពាក្យ​ប្រឡង​កញ្ញា​ឯក​ភេទ​ទី៣​កំពុង​តែ​ជ្រើរើស​ដាក់​ពិន្ទុ​យ៉ាង​ស្វិតស្វាញ​តាម​រយៈ​ការ​ Like និង​ Share បើ​អ្នក​ណា​បាន​ចំនួន​ Like និង​ Share ច្រើន​ជាង​គេ​អ្នក​នោះ​នឹង​មាន​ឱកាស​បង្ហាញ​សមត្ថភាព​នៅ​លើ​ឆាក​នាពេល​ខាង​មុខ​នេះ៕