លោកជំទាវឧកញ៉ា ម៉ែរួយ និងគ្រូមហាជ័យធ្វើឲ្យផ្អើលក្រុងភ្នំពេញទាំងព្រឹកព្រលឹម រឿងដាក់​បាតព្រះសង្ឃ១១១អង្គ

9

កាល​ពី​ម្សិលមិញ​នេះ​លោក​ជំទាវឧកញ៉ា​​​ ស្រី ណារួម ហៅ​ ម៉ែរួយ និង​លោក​គ្រូ​មហាជ័យ​ដែល​ជា​ប្អូន​ប្រុស​ព្រម​ទាំង​តំណាង​ចែកចាយ​តូច​ធំ​ទាំង​អស់​បាន​និមន្ត​ព្រះសង្ឃ​ ១១១អង្គ​ដាក់​បាត ក្រោម​វត្តមាន​ដ៏​ខ្ពង់​ខ្ពស់​ពី​សម្ដេច​មហាសង្ឃរាជ បូរគ្រី ធ្វើ​ឲ្យ​កក្រើក​ក្រុង​ភ្នំពេញ​ទាំង​ព្រឹក​ព្រលឹម ។

បើតាម​​​ផេក​ផ្លូវ​ការ​ Maerouy Queen Of Univers បាន​បង្ហោះ​​នៅ​មុន​នេះ​បន្ដិច​ឲ្យ​ដឹង​ថា៖” អនុមោទិនា​​សាធុៗ ថ្ងៃ​នេះ​ម៉ែរួយ ព្រម​ទាំង​តំណាង​ចែកចាយ​តូច​ធំ និមន្ត​ព្រះសង្ឃ​ចំនួន​១១១ ដាក់​បាត កុសល​ផល​បុណ្យ​ធំណាស់​ថ្ងៃនេះ ក្រោម​វត្តមាន​ដ៏ខ្ពស់​​របស់​​សម្ដេច​ មហាសង្ឃរាជ បូរគ្រី”។

ភ្លាមៗ​ក្រោយ​ឃើញ​សកម្មភាព​លោក​ជំទាវ​ឧកញ៉ា ម៉ែរួយ និង​ លោក​គ្រូ​មហាជ័យ​​​រួច​មក​បាន​ធ្វើ​ឲ្យ​អ្នក​ប្រើ​ប្រាស់​បណ្ដាញ​ទំនាក់​ទំនង​សង្គម​ហ្វេសប៊ុក​​​នាំគ្នា​លើក​ឡើង​ថា៖” បាន​បុណ្យ​ច្រើន​ណាស់​ ម៉ែរួយ និង​លោក​គ្រូ​មហាជ័យ​គឺ​ជា​អ្នក​លក់​អនឡាញ​ទី១​សម្រាប់​ឆ្នាំ​២០២១​ដែល​ធ្វើ​បុណ្យ​រាប់​បាត​ព្រះសង្ឃ​១១១ អង្គ​”។

គួរ​រម្លឹក​ថា​លោក​ជំទាវ ឧកញ៉ា ម៉ែរួយ គឺ​ជា​អ្នក​លក់​អន​ឡាញ​មួយ​រូប​ដែល​គំរូ​មិន​ដែល​ឡាយ​ជេរ​បញ្ចោ​តាម​ហ្វេសប៊ុក​​ដើម្បី​ទាក់​ទាញ​អ្នក​ចូល​មើល​នោះទេ គឺ​លោក​ជំទាវ​ឧកញ៉ា ឡាយ​លក់​និង​បង្រៀន​តំណាង​ចែកចាយ​ថ្លៃថ្នូ​ខ្លាំង​ណាស់​​សុទ្ធសឹង​តែ​ពុទ្ធិ​អប់រំ​ផ្លូវចិត្ត។

អ្វី​ដែល​ពិសេស​គឺ​លោកជំទាវ​ ឧកញ៉ា គឺ​ជា​អ្នក​លក់​អនឡាញ​ចិត្ត​ធម៌​តែង​តែ​ជួយ​ចាស់ជរា​ក្មេង​កំព្រា​គ្មាន​ទីពឹង កសាង​សាលារៀន មន្ទីរពេទ្យ វត្តអាររាម​ ផ្លូវថ្នល​ជាដើម ដោយ​ចំណាយ​ថវិកា​ដែល​បាន​មក​ពី​កម្លាំង​ញើស​ឈាម​ទាំង​អស់​។ ទឹក​ចិត្ត​ជាមួយ​សទ្ធាដ៏​ជ្រះ​ថ្លា​នេះ​ហើយ​ទើប​ធ្វើ​ឲ្យ​ ម៉ែរួយ ក្លាយ​ជា​ឧកញ៉ា​ស្រី​ទាំង​វ័យ​ក្មេង​​ប្រោសព្រះរាជទាន​ដោយ​ព្រះ​មហាក្សត្រខ្មែរ៕