ប្លែកខ្លាំងណាស់! គ្រាន់តែចូលផលិតកម្មZone ភ្លាម ខេង សម្ផស្ស ត្រូវបានចាងហ្វាងផលិត​កម្មចេញមុខនិពន្ធបទថ្មីឲ្យច្រៀងភ្លែត

4

តារាចម្រៀង​ ខេង សម្ផស្ស បាន​ធ្វើ​​មហាជន​មាន​ការ​ភ្ញាក់​ផ្អើល​​មិន​ស្ទើរ​នោះ​ទេ​​គ្រាន់​តែ​ចូល​ផលិតកម្ម Zone ភ្លាម​នាង ត្រូវ​បានលោក អ៊ុច រ៉ាវុឌ្ឍ ដែល​គ្រប់​គ្នា​ស្គាល់​ច្បាស់​ថា​ជា​​ថៅកែ​​ផលិតកម្ម​នោះ​​ទទួល​ស្វាគមន៍​យ៉ាង​កក់​ក្ដៅ ថែម​ទាំង​​ចេញ​​មុខ​​និពន្ធ​បទ​ថ្មី​ឲ្យ​នាង ច្រៀង​ផ្ទាល់​ដៃ​ទៀត​ផង​ខុស​ប្លែក​ពី​តារាចម្រៀង​មួយ​ចំនួន​។

បទ​ចម្រៀង​ “អូនល្ងង់” ច្រៀង​ដោយ​កញ្ញា ខេង សម្ផស្ស ត្រូវ​បាន​គេ​ទម្លាយថា​លោក​ អ៊ុច រ៉ាវុឌ្ឃ ដែល​ជា​ចាង​ហ្វាង​ផលិត​កម្ម​ខំ​សម្រិត​សម្រាំង​យ៉ាង​យក​ចិត្ត​ទុក​ដាក់​បំផុត​ ក្នុង​គោល​បំណង​​ចង់​ឲ្យ​នាង ចេញ​បទ​ថ្មី​នៅ​ផលិតកម្ម Zone ភ្លាម​ផ្ទុះការ​ចាប់​អារម្មណ៍​ពី​​ពុក​ម៉ែ​បង​ប្អូន​ភ្លែត​ពិសេស​គឺ​មិត្ត​យុវវ័យ​តែម្ដង។

ក្ដី​រំពឹង​​​​​មិន​បាន​ធ្វើ​ឲ្យ​លោក អ៊ុច រ៉ាវុឌ្ឃ ខក​បំណង​នោះ​ទេ​​​គ្រាន់​តែ​បទ “អូនល្ងង់” របស់​កញ្ញា ខេង សម្ផស្ស ចេញ​ភ្លាម​ផ្ទុះ​ការ​គាំទ្រ​ភ្លែត​តែ​ម្ដង​ជាមួយ​ពាក្យ​ពេចន៍​សរសើរ​មិន​ដាច់​ពី​មាត់​ថា៖”អត្ថន័យ​បទ​ចម្រៀង​​ និង​សាច់​ភ្លេង​សម​គ្នា​នឹង​ទឹក​ដំ​សំឡឹង​របស់​ សម្ផស្ស ខ្លាំង​ណាស់​ សុំ​សរសើរ​អ្នក​និពន្ធ​ពូកែ​ដាក់​ឲ្យ​ត្រូវ​ហ្នឹង​សំឡឹង​អ្នក​ច្រៀង​ណាស់​ស្រឡាញ់​បទ​ហ្នឹង​ណាស់”។

គួរ​រម្លឹក​ថា​មុន​មាន​ទ្រនំ​ឈរ​ជើង​ដូច​ពេល​នេះ​កន្លង​មក​កញ្ញា ខេង សម្ផស្ស​ ​បាន​តស៊ូ​អស់​រយៈ​ពេល​ជា​ច្រើន​ឆ្នាំ​ក្នុង​វិស័យ​ចម្រៀង​ផង​ដែរ៕