ផ្អើលពេញហ្វេសប៊ុក! នៅទីបំផុតផ្លូវស្នេហ៍ ឧកញ៉ា ឌួង ឆាយ និងភរិយាបានដើរដល់ផ្លូវបញ្ចប់​​លែងមានអ្វីពាក់ព័ន្ធនឹងគ្នាទៀតហើយ

13

នៅថ្ងៃទី ១៣ ខែ ធ្នូ ឆ្នាំ ២០២០ នៅមុននេះបន្តិចអ្នកលេងបណ្តាញ​សង្គមមានការភ្ញាក់ផ្អើល​មិនស្ទើរនោះទេ ក្រោយធ្លាយដំណឹងដ៏រសើបមួយថា ចំណងស្នេហ៍ប្តីប្រពន្ធ របស់ អ្នកឧកញ៉ា ឌួង ឆាយ និង ភរិយាជាទីស្រឡាញ់របស់លោក គឺលោក ជំទាវ ដេត ម៉ាលីណា បានដើរដល់ផ្លូវបញ្ចប់ហើយ ។

ជាក់ស្តែងបើយោងផេកFacebook និង Instargrammជាផ្លូវការរបស់លោកជំទាវ ដេត ម៉ាលីណា បានផុសរៀបរាប់នៅមុននេះបន្តិចដូចគ្នាថា សូមពូមីងបងប្អូនទាំងអស់គ្នា​ជួយទទួល​​ដឹងលឺ ចាប់ពីថ្ងៃនេះតទៅនាងខ្ញុំនិងឌួង ឆាយ បានព្រមព្រៀងលែង​លះគ្នារួចរាល់​ហើយអញ្ចឹង​ចាប់ពីពេលនេះតទៅអ្វីដែលពាក់ព័ន្ធនិង ឌួង ឆាយហើយ​និងគ្រួសារ​គាត់គឺពុំមានពាក់ព័ន្ធនិងនាងខ្ញុំតទៀតទេសូមអរគុណ 13.12.2020 ។

ក្រោយពីបានទទួលដំណឹងនេះភ្លាមមានមហាជនជាច្រើនសម្តែងការសោកស្តាយ មិនសប្បាយចិត្ត មិនគួរឲ្យជឿ ព្រោះមិននឹកស្មានដល់ថា ចំណងស្នេហ៍​ស្រឡាញ់គ្នា​យ៉ាងផ្អែមល្អែមរវាងលោកឧកញ៉ា និង លោក ជំទាវ ត្រូវបានបញ្ចាប់ទៅជាបែបនេះ ដោយបានបន្សល់តែភាពសោកសៅ និងកូនៗ ត្រូវរស់នៅបែកគ្នា។

គួរបញ្ចាក់ថាចំពោះរឿងរ៉ាវក្នុងគ្រួសាររហូតឈានដល់ការចែកផ្លូវគ្នានេះគេនៅពុំទាន់ដឹងថា មានមូលហេតុអ្វី? ហើយដំណឹងនេះជាការពិតឬយ៉ាងណាឡើយ? ស្របពេលគេ​ក៏ពុំទាន់ឃើញការឆ្លើយតបពីសំណាក់លោកឧកញ៉ា ឌួង ឆាយ ដែលជាស្វាមីនោះដែរ៕

អត្ថបទ៖ ឈន់ ស៊ាងហៃ