អាការ:ទាំង៥ បណ្តាលមកពីការមិនសូវបានរួមភេទ ឫមិនចូលចិត្តរួមភេទ

64

ពេលនិយាយអំពីការរួមភេទមានមនុស្សមួយចំនួនធំ មានការខ្មាស់អៀន មិនសូវហ៊ាននិយាយ ជាពិសេសចំពោះសុភាពនារីផ្ទាល់តែម្តង។ប៉ុន្តែបើយើងសិក្សាឲ្យស៊ីជម្រៅទៅការររួមភេទ​មិន​ត្រឹម​តែ​ធ្វើឲ្យអ្នកមានអារម្មណ៍ល្អស្រស់ស្រាយនោះទេ ថែមទាំងជំនួយ​ដល់ខួរក្បាល​បានថែមទៀតផង។

ផ្ទុយស្រឡះពីការគិត បើសិនជាមនុស្សមិនសូវចូលចិត្តរួមភេទ ឫខាតរួមភេទ នឹងអាច​ឲ្យអ្នក​មាន​អាការ:ចម្លែកទាំងមិនដឹងខ្លួន។ កុំឲ្យខាតពេលវេលា​យូរតោះមក​សិក្សាស្វែង​យល់ពី​សញ្ញាទាំង ៥ដែលអាចបញ្ចាក់ថារាងកាយអ្នកត្រូវការ​រួម​ភេទឲ្យបានគ្រប់គ្រាន់ជាងមុន។

១.ឧស្សាហ៍ឈឺនេះឈឺនោះលើរាងកាយ ការមិនសូវបាន រួមភេទគ្រប់គ្រាន់​នឹងធ្វើឱ្យ​អាក់ខាន​នៃ​ការផលិតអរម៉ូន ដែលជាអរម៉ូន២ប្រភេទ ធ្វើឱ្យអារម្មណ៍​ស្រស់ស្រាយ​និងកាត់បន្ថយ​អា​រម្មណ៍​ឈឺចាប់បាន។ អវត្តមាននៃអរម៉ូនទាំងពីរនេះ​នឹងបណ្ដាលឱ្យរាងកាយ​ទៅជាឈឺ​នេះ​ឈឺនោះដោយមិនដឹងមូលហេតុ។

២. ពិបាកក្នុងការគេង អារម្មណ៍ពុះកញ្ជ្រោលកើតឡើងក្នុងពេលរួម ដំណេកអាចជួយរំញោច​ខួរក្បាលឱ្យបញ្ចេញអរម៉ូន Oxytocin ដែលជំនួយដល់ការគេងរបស់មនុស្ស ដូច្នេះបើអ្នក​មិនបានរួមភេទ ឬខានយូរនោះវានឹងបណ្ដាលឱ្យប៉ះពាល់ភាពសុខស្រួលនៃការគេង បណ្ដាលឱ្យទៅជាគេងលែងលក់មិនស្កប់ស្កល់ ឬគេងភ្ញាក់ៗជាដើម។

៣. ស្បែកគ្មានពណ៍ស៊ីជម្ពី អរម៉ូនដែលត្រូវបានបង្កើតនិងបញ្ចេញក្នុងពេលនិងក្រោយពេល រួមភេទអាចជួយឱ្យភាគីទាំងសងខាងធូរស្បើយ និងរីករាយ។ ក្រៅពីនេះ វាក៏ជួយដល់​ស្បែក​ឱ្យមានពណ៌ស៊ីជម្ពូ រលោងភ្លឺថ្លាផងដែរ។ ផ្ទុយទៅវិញ សម្រាប់អ្នកដែលខានរួមភេទយូរនឹង​មើល​ឃើញថា ស្បែកប្រែទៅជាស្រអាប់ គ្មានភាពរលោង ហើយអាចបណ្ដាលទៅជាកើតមុន​ព្រោះតែរាងកាយមិនបានបញ្ចេញជាតិពុល។

៤. លែងស្រស់ស្រាយដូចមុន ការមិនសូវបានរួមភេទ ឬខកខានយូរពេកនឹងធ្វើឱ្យអ្នកក្លាយ​ជាទៅមនុស្សលែងចូលចំណោមគេដោយមិនដឹងខ្លួន។ នេះក៏ដោយសារតែរាងកាយមិនសូវ​បានផលិតអរម៉ូន Endorphin ហើយអរម៉ូនមួយប្រភេទនេះហើយដែល​ជាអ្នកធ្វើឱ្យ​អារម្មណ៍​របស់មនុស្សស្រស់ស្រាយ និងរីករាយក្នុងការជួបមនុស្សថ្មី និងធ្វើទំនាក់ទំនង​ជាមួយអ្នក​ដទៃ។

៥. ឧស្សាហ៍មានអារម្មណ៍ស្ត្រេស គិតអ្វីក៏មិនងាយចេញ ជឿទេថា បើអ្នកខានរួមភេ ទ ច្រើនសប្ដាហ៍ ឬច្រើនខែ​សាកមើល អ្នកច្បាស់ជាដឹងខ្លួនថា ឆាប់ឆេវឆាវជាងមុន គិតច្រើន​ជាង​មុន មួម៉ៅច្រើន និងគិតអ្វីក៏មិនចេញដែរ៕

អត្ថបទ៖ ឈន់ ស៊ាងហៃ