មិននឹកស្មាន! ស៊ីន យូប៊ីន ឈរ​លើ​​លេខ​រៀង​ទី​១ក្នុង​ចំណោតារាល្បីៗនៅកម្ពុជា ដែល​បាន​បរិច្ចាគ​ថវិកា​​ជូន​សម្តេចតេ​ជោ ហ៊ុន សែន ជួយសង្គ្រោះពលរដ្ឋរងគ្រោះដោយសារទឹកជំនន់

811

ជាការពិតណាស់បច្ចុប្បន្ននេះប្រទេសកម្ពុជាកំពុងរងទទួលរងការវាយប្រហារដោយសារជំនន់ទឹកភ្លៀងស្មើរនឹង ២ភាគ ៣ ទូទាំងផ្ទៃប្រទេស ក្នុងនោះបានបំភ្លេចបំផ្លាញផលដំណាំ​ប្រជា​កសិករ​ជាច្រើន ជន់លិច ផ្ទះសម្បែងប្រជាពលរដ្ឋ ខូចខាតផ្លូវគមនាគមន៍ សាលា រៀន មន្ទីរពេទ្យជាដើម។

យ៉ាងណាមិញគេសង្កេតឃើញថាមានអ្នកសិល្ប:ជាបន្តបន្ទាប់បានបរិច្ចាគថវិការផ្ទាល់ខ្លួន តបតាមការអំពាវនាវដ៏ខ្ពង់ខ្ពស់សម្តេចតេជោ ហ៊ុនសែននាយករដ្ឋមន្រ្តីនៃកម្ពុជា ក្នុងនោះ កញ្ញា ស៊ីន យូប៊ីន គឺជាតារាសិល្ប:ទីមួយដែលហ៊ាន​បរិច្ចាគថវិការផ្ទាល់ខ្លួនច្រើន​ជាងគេ​ក្នុងចំណោមអ្នកសិល្ប:គិតត្រឹមថ្ងៃទី១៦ ខែ តុលានេះចំនួន ១ម៉ឺនដុល្លារ។ ជាមួយ​កិច្ចសម្ភាសន៍​​ជា​មួយ​ការសែទដ៏ល្បីនៅកម្ពុជាកញ្ញា ស៊ីន យូប៊ីនបានឲ្យដឹងថា «ជំនន់ទឹកភ្លៀង​បានវាយប្រហារខេត្តជាច្រើនរបស់កម្ពុជា ទាំងក្រសួងស្ថាប័នពាក់ព័ន្ធ អាជ្ញាធរថ្នាក់ជាតិ ថ្នាក់ក្រោមជាតិ និងកងកម្លាំងប្រដាប់អាវុធគ្រប់ប្រភេទ បាននិងកំពុងចេញប្រតិបត្តិការ ជួយសង្គ្រោះប្រជាពលរដ្ឋបណ្តាខេត្តរាជធានីខេត្ត ដែលរងផលប៉ះពាល់ដោយ​សារជំនន់​ទឹកភ្លៀង»។

កញ្ញាថា «ហេតុដូចនេះ នាងខ្ញុំតំណាងឲ្យក្រុមហ៊ុនតែគជ់ «Fire Tiger Cambodia» និងជាតា​រាសម្តែង​មួយរូប សូមចូលរួមចំណែកជាមួយប្រមុខថ្នាក់ដឹកនាំ ក្នុងការជួយសង្គម​ដោយរួម​បរិច្ចាគថវិកា ចំនួន១ម៉ឺនដុល្លារអាមេរិក តបតាមការអំពាវនាវរបស់សម្តេចតេជោ ហ៊ុន សែន សម្រាប់ជួយសង្គ្រោះពលរដ្ឋរងគ្រោះ ដោយសារទឹកជំនន់។

នាងខ្ញុំសង្ឃឹមថា ទឹកប្រាក់ទាំងនេះនឹងជួយសម្រាលទុក្ខលំបាក​របស់បងប្អូនប្រជាពលរដ្ឋ​ខ្មែរ​បាន​ក្នុងគ្រាកំពុងមានអាសន្ននេះ»៕

អត្ថបទ៖ ឈន់ ស៊ាងហៃ