ដើម្បីផ្គាប់ចិត្តឪពុកម្ដាយក្មេក តោះស្ត្រីមេផ្ទះទាំងឡាយ​ទៅរៀនធ្វើ ទឹកក្រឡុកស្រកានាគ ទាំងអស់គ្នា

ជាការពិតណាស់ក្រោយពេលបរិភោគអាហារឆ្ងាញ់ គេតែងតែនឹកឃើញដល់បង្អែម ឬទឹកផ្លែឈើផ្អែមឈ្ងុយឆ្ងាញ់ដ៏មានឱជារស់ត្រជាក់ចិត្ត។ ការធ្វើមុខម្ហូបឆ្ងាញ់ពិត​ជាសំខាន់ចំពោះស្រ្តីមេផ្ទះ តែបើយើងចេះធ្វើបង្អែម ឬទឹកផ្លែឈើទៀតនោះកាន់តែពិសេស​ថែមទៀតសម្រាប់គ្រួសារ។

តោះកុំនៅយូរទស្សនាពីរបៀបធ្វើទឹកស្រកានាគក្រឡុកជាមួយ Dermdoung News ទាំងអស់គ្នាៈ

*របៀបធ្វើទឹកស្រកានាគក្រឡុក

*គ្រឿងផ្សំ

-ផ្លែស្រកានាគ ពណ៌ក្រហម ហាន់ជាចំណិតៗ ១០០ក្រាម

-ទឹកស៊ីរ៉ូ ពណ៌ក្រហម ១ស្លាបព្រាបាយ

-ទឹកក្រូចឆ្មារ ២-៣ស្លាបព្រាបាយ

-ទឹកកកដុំតូចៗ ឬទឹកកកឈូស ១ចានចង្កឹះ

#វិធីក្រឡុក

១.ចាក់ទឹកកក ផ្លែស្រកានាគ ទឹកស៊ីរ៉ូ និងទឹកក្រូចឆ្មារ ចូលទៅក្នុងម៉ាស៊ីនក្រឡុក កិនឱ្យទាល់តែម៉ដ្ឋខាប់ជាសាច់មួយ។

២. ចាក់ដាក់កែវ និងតុបតែងឱ្យស្អាត ជាការស្រេច៕