ស្ដាប់ប្រវត្តិកម្សត់ជូចត់របស់ Kem Hussawee មុនល្បីល្បាញដូចសព្វថៃនេះដឹងហើយអាណិ​តខ្លាំងណាស់

103

មុន​មាន​កេរ្តិ៍ឈ្មោះ​ល្បី​ល្បាញ​ដូច​សព្វ​ថ្ងៃ​នេះ​កំលោះ​សង្ហា Kem ធ្លាប់​ជួប​រឿង​រ៉ាវ​កម្សត់​ជាច្រើន​ក្នុង​ឆាក​ជីវិត​​​​ដែល​គ្រប់​គ្នា​នឹក​ស្មាន​មិន​ដល់ ប៉ុន្តែ​​លោក មិន​ដែល​បោះបង់​ក្ដី​ស្រម៉ៃ​នោះ​ទេ​ព្យាយាម​ជម្នះ​តស៊ូ​គ្រប់​ឧបសគ្គ​មិន​ខ្លាច​នឿយ​ហត់​សូម្បី​តែ​បន្ដិច នៅ​ទីបំផុត​លោក​ក៏​ក្លាយ​ជា​តារាសម្ដែង​ជួរ​​មុខ​នៅ​ប៉ុស្ដិ៍​លេខ​៧ថៃ។

ហេតុ​ដូច្នេះ​ហើយ​នៅ​ថ្ងៃ​នេះ​ Dermdoung News សុំ​លើក​រឿង​រ៉ាវ​កម្សត់​ជូរចត់​របស់​ Kem Hussawee មុន​មាន​ភាព​ល្បីល្បាញ​ដូចសព្វថ្ងៃនេះ។

Kem ​ជា​ឈ្មោះ​ហៅ​ក្រៅ ចំណែក​ឯ​ឈ្មោះ​ពិត​លោក​គឺ​ Hussawee Pakrapongpisan ចំពោះ​ឈ្មោះ​ខេម​នេះ​បាន​ដោយ​សារ​តែ​ពេល​ទម្ងន់​រូប​គេ​ ម្ដាយ​របស់​លោក​ចូល​ចិត្ត​ស្ដាប់​ល្ខោន​និយាយ​តាម​វិទ្យុ​​ដែល​មាន​តួ​ឯក​ឈ្មោះ​ សឿ ខេម ឬ​ប្រែ​ជា​ខេមរៈ​ភាសារ​ថៃ​ ថា​សត្វខ្លា​។

ឆ្នាំ​នេះ​ Kem  មាន​អាយុ​២៣​ឆ្នាំ​លោក​កើត​នៅ​ថ្ងៃ​ទី​ ២១ ខែសីហា ឆ្នាំ​១៩៩៧ បច្ចុប្បន្ន​នេះ​​លោក កំពុង​សិក្សា​ឆ្នាំ​​ទី៤ នៅ​សាកល​វិទ្យាល័យ​ធុរៈកិច្ច​បណ្ឌិត​។ មួយ​វិញ​ទៀត​ Kem គឺ​ជា​មនុស្ស​ម្នាក់​​មាន​ភាព​រួសរាយ​រាក់ទាក់​​ចូល​ចិត្ត​ជួយ​អ្នក​ដ៏ទៃ​តាំង​ពី​កំណើត​។ បើ​និយាយ​ទេព​កោសល្យ​ផ្នែក​សិល្បៈ​វិញ​កំលោះ​សង្ហា​រូប​នេះ​ចូល​ចិត្ត​លេង​ហ្គីតា និង​ស្គរ​ឈុត​បាន​យ៉ាង​ល្អ។

ឃើញ​មុខមាត់​សង្ហា​បែប​នេះ​ Kem មិន​មែន​ជា​អ្នក​ក្រុង​បាងកក​ទេ ស្រុក​កំណើត​របស់​លោក គឺ​នៅ​ខេត្ត​បឹងកាង ជាខេត្ត​មួយ​ដែល​ស្ថិត​នៅ​ភូមិភាគឥសាន្ត​​នៃប្រទេសថៃ ក្រោយ​រៀន​ចប់​មធ្យម​សិក្សា​ kem បាន​ឡើង​មក​រៀន​ទីក្រុង​បាងកក​ជាមួយលោក​ពូ​ ដែល​បើក​ហាង​​ធ្វើ​ស្លាក​ប៉ាន់​ណូ​ផ្សេង​ៗ។ ពេល​នោះ​ Kem មាន​តួ​នាទី​ជា​ជាង​ផ្សារ​ដែក​ រៀន​ផង​ធ្វើ​ការ​ផង​​ហើយ​លោក ឆ្លៀត​ពេល​វេលា​រៀន​មេកានិច​បន្ថែម។

ប៉ុន្តែ​ដោយ​សារ​មាន​រូបរាង​ខ្ពស់​ស្រលះ​​បូក​ផ្សំ​រូបរាង​សង្ហា​ផង​នោះ ធ្វើ​ឲ្យ​រូប​គេ​មាន​ឱកាស​ក្លាយ​ជា​តារាម៉ូដែល។ បន្ទាប់​ពី​ក្លាយ​ជា​តារាម៉ូដែល​រួច​មក​ Kem បាន​លាឈប់​ពី​ជាង​ផ្សារ​ដែក​ទៅ​រៀន​បញ្ញាបត្រ​ផ្នែក​និតិសាស្រ្ដ​​ជំនាញ​ភាព​យន្ត​ នៅ​សាកល​វិទ្យាល័យ​ធុរៈកិច្ចបណ្ឌិត។

ក្រោយ​មក​ទៀត​លោក​ ក៏​មាន​ឱកាស​បាន​សម្ដែង​ខ្សែភាពយន្ត​ភាគ​ជាបន្តបន្ទាប់ ចំពោះ​រឿង​ដែល​ធ្វើ​ឲ្យ​លោក​មាន​ភាព​ល្បីល្បាញ​ខ្លាំង​គឺ​រឿង​ “ច្រវ៉ាក់បេះដូងអន្ទាក់ស្នេហ៍” ដែល​ចាប់​ដៃ​គូ​សម្ដែង​ជាមួយ​​ស្រីស្អាត​រាង​តូច​ច្រលឹង​គឺ​ Mookda Narinrak ៕