ឃើញហើយស្រក់ទឹកមាត់ឃ្លានបាយតែម្ដង តោះទៅរៀនធ្វើក្ដាមថ្មជ្រក់ទឹកត្រីកោះកុង ដើម្បី​ទាក់ចិត្តស្វាមីទាំងអស់គ្នា

21

ការចេះធ្វើម្ហូបឲ្យមានឱជារសពិតជាចាំបាច់ណាស់សម្រាប់ស្ត្រីមេផ្ទះ ជាពិសេសក៏អាចអន្ទងចិត្តលោកប្តីមិនអោយទៅញាំក្រៅផ្ទះបានដោយងាយផងដែរ ដូច្នេះការចេះធ្វើម្ហូបមានឲ្យ​មាន​ឱជារសក៏ជាគ្រឿងផ្សំមួយនាំឲ្យគ្រួសារមានសុភមង្គល។ មិនថារូបខ្ញុំ ឬគេទេ បើនៅផ្ទះរបស់ខ្លួនមានម្ហូបឈ្ងុយឆ្ងាញ់ទៅហើយ ទៅញាំនៅខាងក្រៅនាំឲ្យអស់លុយធ្វើអី។

ថ្ងៃនេះ Dermdoung News សូមលើកយករបៀបធ្វើ “ក្តាមថ្មជ្រក់ទឹកត្រីកោះកុង” ដែលមានរសជាតិឆ្ងាញ់ពិសារជូនប្រិយមិត្ត ដូច​ខាង​ក្រោម​៖

*បៀបធ្វើក្តាមថ្មជ្រក់ទឹកត្រីកោះកុង

*គ្រឿងផ្សំ និងរបៀបធ្វើ:

– ក្តាមថ្ម ៣(ធំល្មម) លាងសំអាតអោយបានស្អាតល្អ

– ដាក់ដាំទឹកត្រី ៣៥០​មីលីលីត្រ​,ទឹក ៣៥០​មីលីលីត្រ​ រួចដាក់ស្ករសកន្លះកូនចានចង្កឹះចូល ដាក់ដាំឲ្យ​ពុះរួចទុកឲ្យ​ត្រជាក់។

-ដាក់ក្តាមចូលប្រអប់ រួចចាក់ទឹកត្រីដែលបានដាំហើយចូល រួចរោយម្ទេស និងខ្ទឹមសដែលបានហាន់ហើយចូល ត្រាំឲ្យ​បានយ៉ាងហោចណាស់១​ម៉ោងមុនបរិភោគ។

ទឹកត្រីកោះកុង:

– បុកម្ទេស ខ្ទឹមស គល់ជីវ៉ាន់ស៊ុយ អំបិល ស្ករស អោយចូលគ្នា រួចដាក់ទឹកត្រី និងទឹកក្រូចឆ្មារជាការស្រេច។