ក្រៅពីមានទ្រព្យសម្បត្តិមាសប្រាក់លុយកាក់ចាយមិនអស់ អ្នកលក់អនឡាញច្រើនរូបនេះ លេច​មុខ​យ៉ាងសកម្ម​ជាមួយការងារសប្បុរសធម៌

241

ក្រៅ​ពី​មាន​​ទ្រព្យសម្បត្តិ​ឡានវីឡា​និង​លុយ​កាក់​ចាយ​មិន​អស់​ហើយ​នោះ​អ្នក​លក់​អនឡាញ​​ស្រី​ល្បី​ឈ្មោះ​ទាំង​៨រូប​នេះ​កំពុង​តែ​​លេច​មុខ​ខ្លាំង​ជាមួយ​ការងារ​សប្បុរសធម៌​ ដោយ​ចំណាយ​ថវិកា​ផ្ទាល់​ខ្លួន​រាប់​ម៉ឺន​ដុលារ​ជួយ​កសាង​សាលា​រៀន មន្ទីពេទ្យ ផ្លូវថ្នល់ វត្តអារាម ផ្ទះ ក្មេងកំព្រា ចាស់ជរា​គ្មាន​ទីពឹង​ជាដើម។

អ្នកលក់​អន​ឡាញ​ល្បី​ឈ្មោះ​ទាំង​៨រូប​រួម​មាន៖

១.លោក ស្រី ទ្រីដា ដែល​គ្រប់​គ្នា​ស្គាល់​ច្បាស់​ថា​ជា​ថៅកែម្ចាស់ហាងមាសពេជ្រ និង​អគ្គនាយិកា​ផលិតផល​ថែរក្សា​សម្រស់​តាំង​ពី​ក្បាល​ដល់​ចុង​ជើង​នោះ តែង​តែ​លេច​មុខ​យ៉ាង​សកម្ម​ជាមួយ​ការងារ​ជួយ​ដល់​សង្គម​​បើ​គិត​ពេល​នេះ​លោក​ស្រី ចំណាយ​ថវិកា​ផ្ទាល់​ខ្លួន​ជួយ​ដល់ការងារ​សប្បុរសធម៌​មិន​ក្រោម​៤០ម៉ឺន​ដុល្លារ​នោះទេ។

២.លោកជំទាវឧកញ៉ា​ស្រីវ័យ​ក្មេង​ ម៉ែរួយ ដែល​​គ្រប់​គ្នា​ស្គាល់​ច្បាស់​ដូច​ថ្ងៃ​ថា​ជា​អគ្គនាយិកា ក្រុម​ហ៊ុន​ Rouy Infinity Co.,ltd នោះ​កំពុង​តែ​​ទទួល​បាន​ការ​ចាប់​អារម្មណ៍​ខ្លាំង​ពី​មហាជន​​​ស្ទើរ​គ្រប់​ទិសទី​​តាម​រយៈ​​សកម្មភាព​សប្បុរសធម៌​នានា បើ​គិត​មក​ដល់​ពេល​នេះ​រាជិនី ចិត្ត​ធម៌​ ស្រី ណារួម ហៅ ម៉ែរួយ ជួយ​កិច្ចការងារ​សប្បុរសម៌​មិន​ក្រោម​៣០ម៉ឺនដុល្លារឡើយ។

៣.អ្នកនាង មាស សុវណ្ណរតនា ​ដែល​គ្រប់​គ្នា​ស្គាល់​ច្បាស់ដូច​ថ្ងៃ​ថា​ជា​ម្ចាស់​ប្រេន​ថែ​រក្សា​សម្រស់​តាំង​ពី​ក្បាល​ដល់​ចុង​ជើង​ NUNA របស់​ក្រុម​ហ៊ុន​ ដាណាទ្រី នោះ​ត្រូវ​បាន​​មហាជន​លាន់មាត់សរសើរគ្រប់ៗគ្នានូវទឹកចិត្តរបស់អ្នកនាង ក្នុងការងារជួយសង្គមយ៉ាង​​សកម្មផុស​ផុល​ផងដែរ។​ ដោយ​អ្នកនាង​ ដើរតាមគន្លងរបស់លោកស្រី ទ្រី ដាណា ។

៤.លោក​ស្រី​ ឡាំ ស៊ីវហ្វុង ហៅ អាមួយអាមួយ  អគ្គនាយិកា LC Brand ក្រៅ​ពី​មាន​រូប​សម្រស់​ស្រស់​ស្អាត​​​ហើយ​នោះ​លោក​ស្រី គឺ​ជា​អ្នក​លក់​អនឡាញ​ម្នាក់​ដែល​មាន​ទ្រព្យ​ហូរហៀរ​មាស​ប្រាក់​លុយ​កាក់​ចាយ​មិន​អស់​ផងដែរ។ ហេតុ​ដូច្នេះ​ហើយ​ជារឿយៗ​លោក​ស្រី តែង​តែ​ចាយ​ថវិកា​រាប់​ម៉ឺន​ដុល្លារ​ក្នុង​១ឆ្នាំ​ៗ​​ជួយ​ដល់​ក្មេង​កំព្រា​ ចាស់ជរា គ្មាន​ទីពឹង​នៅ​តាម​តំបន់​ដាច់​ស្រយាល​មួយ​​ចំនួន។

​៥. បើ​និយាយ​ពី​អ្នកនាង Jasmine Merry គឺជា​អ្នក​លក់​អន​ឡាញ​ល្បី​ឈ្មោះ​មួយ​រូប​ដែល​មាន​រូប​សម្រស់​ស្រស់​ស្អាត​​មិន​ចាញ់​តួឯក​កុន​ប៉ុន្មាន​ឡើយ។ អ្វី​ដែល​គួរ​ចាប់​អារម្មណ៍​ខ្លាំង​បំផុត​នោះ​​អ្នក​នាង តែង​តែ​លេចមុខ​យ៉ាង​សកម្ម​ក្នុង​ការ​ជួយ​ដល់​ពុកម៉ែ​បងប្អូន ដែល​ខ្វះ​ខាត​មាន​ដូច​ជា​ចាស់​ជរាគ្មាន​ទីពឹង​ ក្មេង​កំព្រា និង​ទុរគត​ជន​​ជារឿយៗ​រហូត​ទទួល​បាន​ការ​កោត​សរសើរ​ពី​មហាជន​ផងដែរ។

​ ៦.លោកជំទាវឧកញ៉ា អ៊ាន សៀវម៉ី ​ត្រូវបានមហាជនលើកឡើងដូចៗគ្នា​ថាជាបុគ្គលមួយ​រូបដែលក្រៅ​ពីមានរូបសម្រស់ស្រស់ស្អាត​ហើយនោះ លោក​ជំទាវឧកញ៉ា ក៏លេចមុខយ៉ាងសកម្មក្នុងការងារសង្គម ជួយក្មេង កំព្រា ក្មេងអនាថា ទុរគតជន ចាស់ជរាគ្មានទីពឹងរាប់ម៉ឺនដុល្លារអាមេរិកឯណោះ។

៧.អ្នកនាង សេង ស្រីរ័ត្ន ហៅ Loveriya  ត្រូវបានចាត់ទុកថាជាអ្នកអនឡាញ មួយរូបដែល ក្រៅពីមានសម្រស់ស្រស់ស្អាតហើយនោះ ថែមទាំងមានចិត្តជ្រះថ្លា សាងកុសល ផលបុណ្យ ចុះ​ចែកអំណោយ​ជួយ​ដល់​ក្មេង​កំព្រា​ចាស់​ជរា​គ្មាន​ទីពឹង និង​ទុរគត់ជន​​រាប់ម៉ឺន​ដុល្លារ​ឯណោះ​ក្នុង​១ឆ្នាំៗ។

៨. លោកស្រី អ៊ាប ស្រីកា ហៅចែកា អគ្គនាយិកាក្រុម​ហ៊ុន​ Kaka Skin Beauty ក្រៅ​ពី​មាន​រូប​សម្រស់​ស្រស់​ស្អាត និង​ជោគជ័យ​ទាំង​វ័យ​ក្មេង​ហើយ​នោះ​លោកស្រី​ ថែម​ទាំង​បង្ហាញ​វត្ត​មាន​យ៉ាង​សកម្មក្នុង​ការ​ជួយ​ការងារ​សប្បុរសធម៌​ទៀត​ផង។ ក្នុង​មួយ​ឆ្នាំ​ៗ​លោក​ស្រី ចំណាយ​រាប់​ម៉ឺន​ដុល្លារ​ឯណោះ​ដើម្បី​ជួយ​កិច្ច​ការងារ​សង្គម​ និង​សប្បុរសធម៌៕

អត្ថបទ៖ ឈន់ ស៊ាងហៃ