ហួសចិត្តដឹងប្រាក់ចំណូល Love Riya រកបាន១ថ្ងៃៗពីការអង្គុយស្រែកឡាយលក់ឡេ

268

ស្ងាត់ៗអ្នកលក់អនឡាញល្បីឈ្មោះ អ្នកនាង Love Riya បានទម្លាយពីប្រាក់ចំណូលរបស់ខ្លួន រកបានក្នុងមួយថ្ងៃៗ ដឹងហើយហួសចិត្ត នឹកស្មានមិនដល់់។

អ្នកមេម៉ាយកូនមួយរូបនេះ គេសង្កេតឃើញថាចាប់តាំងពីនាង បែកបាក់ស្នេហ៍ជាមួយ​ស្វាមីមក នាងហាក់ទទួលបានភាពជោគជ័យកាន់តែខ្លាំង នាងទទួលបានការងារផ្សេងៗក្រៅ​ពីអាជីពជាអ្នកលក់អនឡាញ មានដូចជា ថតស្ប៉ត​ ថតសម្អាងការ ការឡើងប៉ុសទូរទស្សន៍​ ព្រម​ទាំង​ចេញ​បទ​ចម្រៀង​ផ្ទាល់​ខ្លួន​ផងដែរ។

យ៉ាងណាមិញស្រាប់តែកាលពីពេលថ្មីៗនេះ នាងបានទម្លាយប្រាក់ចំណូល​រកបានប្រចាំថ្ងៃ​របស់នាង​នៅក្នុងការឡាយរបស់នាងថា ប្រាក់ខែរបស់នាងអាចនិយាយបានថាស្មើរគេប្រាក់ខែ​បុគ្គលិក​ធម្មតា​រក​១ឆ្នាំឯណោះ​ គឺនាង អាច រកបានចន្លោះពី ៤០០០ ទៅ៥០០០ដុល្លារ​ក្នុងមួយថ្ងៃ ប៉ុន្តែសម្រាប់ការរកបាននេះ នាងនៅតែមានកង្វល់ព្រោះនាងត្រូវចំាណាយលើបុគ្គលិកជាច្រើនក្នុងមួយខែៗ។

ស្របជាមួយគ្នានេះគ៏មានមហាជន​ជាច្រើនបង្ហាញអារម្មណ៍ភ្ញាក់ផ្អើល នឹកស្មានមិនដល់ អ្នកខ្លះ​​បាន​​លើកឡើងថា សូមសរសើរបងស្រីដោយស្មោះ ជាមនុស្សស្រីដ៏រឹងមាំ អាចងើបឈរ​រស់នៅតស៊ូក្នុងជីវិតបានដោយមិនពឹងផ្អែកលើមនុស្សប្រុស អ្នកខ្លះទៀតបានលើកឡើងថា ខ្ញុំក៏ជាក្មេងកំព្រាដូចបងដែរ តែខ្ញុំសុំសរសើរបងស្រីខ្លាំងណាស់ ដែលអាចមានសមត្ថភាពខ្ពស់​ក្នុងការរកស៊ីដើម្បីជីវិតនិងផ្គត់ផ្គង់គ្រួសារ បងស្រីជាស្រ្តីមេម៉ាយដ៏រឹងមាំនិង ជាគំរូដ៏ស្រ្តីទូ​ទៅផងដែរ៕

 

អត្ថបទ៖ ឈន់ ស៊ាងហៃ