កក្រើកដឹព្រីមៀរ ស្រីស្អាតមកពីខេត្តកំពង់ធំ លើកពានក្នុងកម្មវិធីប្រកួត Miss Grand Cambodia យប់មិញ

295

កម្មវិធី​ប្រកួត​ Miss Grand Cambodia 2020 ត្រូវបាន​បញ្ចប់​កាល​ពី​យប់​ថ្ងៃ​ទី ២៦ ខែ​កញ្ញា ឆ្នាំ​២០២០ ដោយ​ស្រី​ស្អាត​មក​ពីខេត្ត​កំពង់ធំ កញ្ញា សេង រដ្ឋា ជា​អ្នក​លើកពាន​​ក្រោម​ការ​ដាក់​ពិន្ទុ​យ៉ាង​សុក្រឹដ្ឋ​​និង​ត្រឹម​ត្រូវ​បំផុត​ពី​​មេប្រយោគ។

យ៉ាងណាមិញ កាលពីពេលថ្មីៗនេះ កម្មវិធី Miss Grand Cambodia ឆ្នាំ ២០២០ នេះ ក៏បានធ្វើការជ្រើសរើស និងជម្រុះនៅបេក្ខភាពជាច្រើនរូប ដើម្បីសម្រិតសម្រាំងយក​តែបេក្ខនារីរូបណា ដែលមានចំណេះដឹងខ្ពស់ និងសម្រស់លេចធ្លោ និងអាចក្លាយ​ជាបវរកញ្ញាឆ្នាំនេះ។

ក្នុងនោះដែរ បន្ទាប់ពីធ្វើការប្រកួតអស់រយៈពេលជាច្រើនសប្ដាហ៍កន្លងមកនេះ កាលពីយប់​មិញនេះ ក៏ដល់វគ្គផ្ដាច់ប្រកួតព្រ័ត្រ ហើយនឹងដឹងថាអ្នកណាសាកសមគ្រងនៅតំណែង Miss Grand Cambodia ឆ្នាំ ២០២០​ នេះ ដោយម្ចាស់ជ័យលាភីបាន​ទៅលើបេក្ខនារីតំណាងឲ្យ​ខេត្តកំពង់ធំ មានឈ្មោះ សេង រដ្ឋា ផងដែរ។

ជាក់ស្ដែង ដោយយើងឃើញថា ពីមួយវតគ្គទៅមួយវគ្គ ម្ចាស់ជ័យលេភី Miss Grand Cambodia កញ្ញា សេង រដ្ឋា ពិតជាមានភាពលេចធ្លោ និងទទួលបានការសរសើរ​ច្រើនពីមហាជន ដែលនាងមានទាំងសមត្ថភាព និងរូបសម្រស់ស្រស់សោភាបែប​ធម្មជាតិគួរឲ្យចាប់អារម្មណ៍ផងនោះ។

ក្រោយក្លាយជាម្ចាស់មកុដបវរកញ្ញាកាលពីយប់មិញនេះ មានមហាជនជាច្រើន បានចូលរួម​អបអរ​សាទរដល់​រូបនាង ដែលបានក្លាយជាម្ចាស់ពាន់យ៉ាងដូច្នេះ៕